1 SAMUELA 17:44 - Jinghpaw Common Language Bible 2009

⁴⁴ Shi gaw Dawi hpe, “Sa rit, na a ashan hpe ntsa malen u ni hte matse labye dusat ni hpe ngai jaw sha kau ya na de ai,” ngu nna dakat wu ai.

Jinghpaw Hanson Version Bible

⁴⁴ Bai dai Hpilisti wa gaw Dawi hpe, “Sa rit, na a shan ntsa malen u ni hte nam na rai matse ni hpe jaw kau de ga,” ngu wu ai.

1 SAMUELA 17:44 ပူးပေါင်းရင်းမြစ်များ

2 SAMUELA 21:10

Dai hpang Aia a shayi sha ngu na Shawlu a lashi num Rizpa gaw moi mang tawn da ai lunghtawn ntsa e shi a matu shingbyi shara langai mi hpe lachyit nba hte gap da nna, dai yang e nmut dan hpang ai shani kaw nna mangai marang hkrat ai aten du hkra nga nga wu ai. Dai laman hte hta shani e moi mang ni hpe ntsa malen u ni n sa sha hkra mung, shana e matse labye dusat ni n sa kawa hkra mung makawp maga let gawn nga wu ai.

GA SHAGAWP 18:12

Kadai mung shagrit shanem ai myit n rawng ai rai yang, shagrau hkungga hkam la lu ai n rai; myit tsaw myit dap rawng ai masha ni gaw hten byak lam de sa wa nga ma ai.

YEREMIA 34:20

Shanhte hpe sat kau na matu asak hkan tam nga ai shanhte a gumlau hpyen ni a lata de ngai shanhte hpe ap kau na nngai, shing rai shanhte a moi mang ni hpe ntsa malen u ni hte matse labye dusat ni e sha kau na mara ai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

SHINGRAN 19:17

Dai hpang, lamu kasa langai mi jan ntsa e tsap nga ai hpe ngai mu nngai. Shi gaw ntsa malen pyen ai u ni hpe, “Sa marit Karai Kasang a Kaba la ai lusha poi de sa zuphpawng marit!

1 SAMUELA 14:12

Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.

1 SAMUELA 17:46

Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;