1 SAMUELA 17:34 - Jinghpaw Common Language Bible 2009

³⁴ Dawi gaw Madu hkawhkam wa e, ngai gaw nye wa a sagu ni hpe rem ai wa rai nngai. Hkanghkyi hte tsap langai ngai sagu kasha sa hpai mat wa shagu,

Jinghpaw Hanson Version Bible

³⁴ Bai Dawi gaw, “Na a mayam nye wa a sagu ni rem nga ai shaloi, hkanghkyi atsap sa nna, sagu hpung na sagu kasha la sha mat wa yang,

1 SAMUELA 17:34 ပူးပေါင်းရင်းမြစ်များ

NINGPAWT NINGHPANG 31:39

Nam na matse labye dusat ni yam nga langai kawa sat shagu dai mat mat ai hpe ngai hkum nan tut nawng hpai wa nngai. Dai hpe ngai n la ai sha nang hpe wa madun dun re ai gaw nye a mara n rai nga li ai. Shani hte shana e lagu la hkrum ai yam nga hpa rai tim, de a malai nang ngai kaw na hpyi la la rai nga ndai.

2 SAMUELA 17:8

Na nwa Dawi hte shi a masha ni gaw ja ja share shagan ai hte htim gasat ai ni rai nna, tsap kanu gaw shi a kasha ni hpe magra amya ai zawn shanhte rai ma ai. Na a nwa gaw mahkrum madup law sai hpyenla rai nga ai majaw shana e shi a masha ni hte rau hkring nga na wu ai n rai.

2 SAMUELA 23:20

Kabazela mare kaw na Yehoiada a kasha Benaia gaw kaga gumhkawng ai hpyenla langai mi rai nga ai; shi gaw magrau grang ai amu law law galaw nu ai, dai hta galu kaba ai Moba hpyenla lahkawng hpe mung sat kau wu ai. Lang mi mung hkyen htat ai shani e nhkun kata de shang nna hkanghkyi langai sat kau wu ai.

1 HKAWHKAM LABAU 11:22

Kabazela mare kaw na kaga gumhkawng ai hpyenla langai mi gaw Yehoiada a kasha Benaia rai nga ai; shi galaw ai share shagan ai amu law law hta galu kaba ai Moba hpyenla lahkawng hpe mung sat kau wu ai. Lang mi mung hkyen htat ai shani e, nhkun kata de shang nna hkanghkyi langai mi hpe sat kau wu ai.

SHAKAWN KUNGDAWN 143:5

Ngai gaw lai mat wa sai nhtoi ni hpe adum nga nngai; nang galaw dan lai wa sai amu ni yawng a lam ni hpe, ngai myit sawn yu nga nngai, na a amu ni yawng hpe ngai myit aru yu nga nngai.

EZEKELA 34:12

Sagu rem wa gaw bra hkawm nga ai shi a sagu ni hpe bai shinggyin da nna lanu lahku ai hte maren, lamu sin mak mat nna tsin-yam hkrum ai shani e, shanhte bra hkawm mat wa ai shara shagu hkan na shanhte hpe bai woi wa na nngai.

AMO LAIKA (AMOS) 3:12

Dai Madu gaw, “Sagu rem wa gaw hkanghkyi e sha kau sai sagu lagaw lahkawng shing n rai sagu a na daw mi hpe sha bai gare la lu ai zawn Samari masha ni hta na naw hkrung nga ai nkau mi chyu sha zing hkam ai sut gan hta hkrawn taw nga na mara ai.

ZEHKARIA 11:16

Nye a sagu hpung hpe bau rem na langai mi hpe san da ni ai, rai ti mung shi gaw jahten shaza kau na ngu jahkrit shama hkrum nga ai sagu ni hpe karum ai n rai; mat mat ai ni hpe hkan tam la ai n rai; machyi ai ni hpe shamai shatsai ya ai n rai, hkam kaja ai ni hpe ushat jaw ai n rai, shing rai galaw na malai hpum sau htum ai sagu shan shi sha nna, shanhte a lahkru ni hpe malawk kau ya na ra ai.

ZEHKARIA 9:7

Shanhte gaw sai rawng ai shan lusha galoi mung sha lu na ma ai n rai, kaga hkum pat da ai lusha mung sha lu na n rai. Naw hkrung nga ai ni gaw nye a amyu masha daw chyen mi tai wa nhtawm Yuda amyu bawsang na amyu lakung langai zawn tai na mara ai. Ekron chyawm gaw Yebusi masha ni zawn nye a amyu masha daw chyen mi tai na mara ai.

LUKA 2:8

Ya dai ginwang daw ni hta sagu rem ai masha ni urawng udat hkan e nga ma ai rai nna, shanhte a sagu hpung ni hpe shana na ahkying ladaw ni hta sin nga ma ai.

YAWHAN 10:11

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

ROMA 5:4

shakut sharang ai gaw Karai Kasang a sharawng awng ai lam hte shi a sharawng awng ai gaw myit mada ai lam shabyin nga ai hpe anhte chye ga ai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.

TARA AGYI 14:6

Dai Madu a daru magam n-gun gaw Samson hpe akajawng sha n-gun shaja dat ya ai rai nna bainam kasha langai hpe zawn shi a lata kaman hte dai hkanghkyi hpe gang je kau wu ai. Rai ti mung shi gaw shi hpa galaw kau nu ai lam shi a kanu yan kawa hpe n tsun dan wu ai.

1 SAMUELA 17:15

Dawi gaw Betlehem mare de wa wa rai nhtawm kawa a sagu ni hpe wa rem ya ya rai nga ai.

1 SAMUELA 17:33

Shawlu chyawm gaw, “N rai na re law! Nang shi hpe kaning di gasat lu na rai n ta? Nang gaw ma kasha sha naw rai nga ndai. Dai wa gaw shi a prat tup hpyenla galaw nga sai wa rai nga ai,” ngu nna htan wu ai.

1 SAMUELA 17:35

de a hpang ngai hkan shachyut nhtawm sagu kasha hpe hkan htim je la la rai nngai. Hkanghkyi shing n rai atsap e ngai hpe kayin htim wa ai shaloi, shi a du hta magra shadang nna kayat sat kau kau di we ai.