1 SAMUELA 17:29 - Jinghpaw Common Language Bible 2009

²⁹ Dawi gaw, “Ya ngai hpa galaw shut kau sata? Shing ngu nna sha pyi ngai n mai san a ni?,” ngu nna san wu ai.

Jinghpaw Hanson Version Bible

²⁹ Dawi mung, “Ngai hpa shut a ta? taw, tsun shara n nga a ni?” Ngu nna htan nhtawm,

1 SAMUELA 17:29 ပူးပေါင်းရင်းမြစ်များ

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

1 KORINHTU 2:15

Wenyi rawng ai wa chyawm gaw arai yawng mayawng a manu rawng ai lam hpe daw dan lu nga ai; shi hpe mahtang gaw kadai e mung daw dan lu ai n rai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

1 SAMUELA 17:28

Dawi hte dai masha ni shaga hkat ai ga hpe Dawi a kahpu kaba Eliaba na wu ai. Shaloi shi masin pawt ai hte Dawi hpe, “Nang ndai yang e hpa sa galaw nga n ta? Na a sagu ni hpe nam mali kata e kadai wa rem ya nga a ta? Nang gaw maka n kap ai ma she rai nga n hka! Nang gaw gasat gala hpe yu azi na matu sa du nga ai n rai hka!,” ngu nna tsun wu ai.

1 SAMUELA 17:30

Shi gaw kaga masha wa kaw kayin sa nhtawm dai hpe sha bai san wu yang, shi san ai aten shagu, shawng na mahtai hte maren sha shi lu la nga ai.