1 SAMUELA 17:28 - Jinghpaw Common Language Bible 2009

²⁸ Dawi hte dai masha ni shaga hkat ai ga hpe Dawi a kahpu kaba Eliaba na wu ai. Shaloi shi masin pawt ai hte Dawi hpe, “Nang ndai yang e hpa sa galaw nga n ta? Na a sagu ni hpe nam mali kata e kadai wa rem ya nga a ta? Nang gaw maka n kap ai ma she rai nga n hka! Nang gaw gasat gala hpe yu azi na matu sa du nga ai n rai hka!,” ngu nna tsun wu ai.

Jinghpaw Hanson Version Bible

²⁸ Ya shanhte hte shaga nga ai hpe kahpu kaba Eliaba na wu yang, shi Dawi hpe masin pawt nna, “Nang hpa majaw sa n ta? dai n law la ai sagu ni hpe, gade a lata hta nam mali e ap da nu ta? Na a myit kaba ai hte n shawp ai, ngai chye ya da de ai; majan yu na sa ai chyu sha, rai nga lit dai,” ngu nna daru wu ai.

1 SAMUELA 17:28 ပူးပေါင်းရင်းမြစ်များ

NINGPAWT NINGHPANG 37:11

Yosep a kahpu ni gaw shi hpe yu manawn da mu tim, shi a kawa chyawm gaw dai lam mahkra hpe amyit yu nga wu ai.

NINGPAWT NINGHPANG 37:4

Shanhte a kawa shanhte hpe tsaw ra ai hta Yosep hpe mahtang grau nna tsaw ra ai hpe mu ma yang, shanhte gaw shanhte a kanau hpe grai wa n dawng nga ma ai hte shi hpe hku lahkun re ai lai hte n kam hkap shaga ma ai.

NINGPAWT NINGHPANG 37:8

Shi a kahpu ni gaw, “Nang gaw hkawhkam tai wa nna anhte hpe up hkang lu na zawn myit nawn nga n ni?,” ngu nna san mu ai. Dai rai nna shi a yup mang hte shanhte hpe tsun ai shi a ga ni a majaw shanhte shi hpe grau nna n ju n dawng nga ma ai.

2 HKAWHKAM LABAU 11:18

Rehoboam gaw Dawi a kasha Yerimot a shayi sha Mahalat hpe hkungran la ai rai nna, shi a kanau mahtang Eliaba a shayi sha Abihala rai nna Yese a kashu shayi sha rai nga ai.

SHAKAWN KUNGDAWN 35:11

N hkru n shawp ai masha ni gaw ngai hpe nhtan shai ai hku sakse hkam ya nna; ngai hpa mung n chye lawm ai ru hka amu ni hte ngai hpe mara shagun ma ai.

GA SHAGAWP 18:19

Na a hpu nau wa hpe karum madi shadaw u, shaloi, shi gaw ngang ai mare bunghku zawn nang hpe makawp maga na ra ai; rai ti mung, ga law ga la rai nga yang chyawm gaw na a man e, shi a chyinghka pat kau ya na ra ai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

MAHTE 10:36

masha langai wa a n kaja dik ai hpyen ni gaw, tinang a nta dinghku masha ni rai na mara ai.

MAHTE 27:18

Yuda agyi salang ni manawn masham n ju n dawng ai majaw, shanhte Yesu hpe ap kau mu ai hpe Pilat atsawm sha chye ya mu ai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.

1 SAMUELA 17:29

Dawi gaw, “Ya ngai hpa galaw shut kau sata? Shing ngu nna sha pyi ngai n mai san a ni?,” ngu nna san wu ai.