1 SAMUELA 17:22 - Jinghpaw Common Language Bible 2009

²² Dawi gaw shi gun ai lusha ni hpe lusha garan ya ai hpareng wa hpe ap kau da nhtawm majan shara de kagat shang wa let shi a kahpu ni hpang de sa wa nna shanhte kaning rai nga ai lam san wu ai.

Jinghpaw Hanson Version Bible

²² Ya Dawi gaw shi gun ai arai ni, arai sin ai wa a lata hta ap da nhtawm, luksuk hpawng de gat shang nna, kahpu ni hpe shachyen wu ai.

1 SAMUELA 17:22 ပူးပေါင်းရင်းမြစ်များ

NINGPAWT NINGHPANG 37:14

Shi a kawa mahtang, “Na a nhpu ni shim lum nga ai hpe mung, sagu hpung ni kaja nga ai hpe mung sa yu su, shing rai bai wa nna ngai hpe tsun dan e,” ngu nna tsun wu ai. Shi a kawa mung shi hpe Hebron Kadit kaw nna shangun dat wu ai.

2 SAMUELA 11:7

Ya Uria du jang, Yoab hte hpyen hpung ni kaja nga ma ai kun? Majan gasat gala ai gaw kaning hku rai nga a ta?,” ngu nna shi hpe hkap san wu ai.

PRU MAT 18:7

dai rai nna, Mawshe mung shi hpe tau la na nga pru sa nhtawm shi a man e gum dagup nna shi hpe pup wu ai. Shan gaw shada da hkam kaja ai lam san hkat let, Mawshe a sum kata de shang wa ma ai.

ESAIA 10:28

Gumlau hpyen luksuk gaw Ai mare hpe zing la kau nu hka! Shanhte gaw Migron mare hku ga lai mat wa masai! Shanhte gaw Mikmasha mare e hpyen madi shadaw arai ni hpe tawn da nga masai!

TARA AGYI 18:15

Dai re ai majaw Lewi shabrang wa nga ai Mihka a nta de sa nhtawm shi kaning rai nga ai lam Lewi masha wa hpe san yu ma ai.

TARA AGYI 18:21

Shanhte gaw kayin wa nhtawm shanhte a ma kaji ni, yam nga uhpung hte sut rai ni hpe shawng shangun nna pru sa wa ma ai.

1 SAMUELA 17:21

Hpilisti hte Israela hpyen luksuk masha ni gaw shada myi man hkrum rai gasat hkat na matu shara hkyen bang wa nga ma ai.

1 SAMUELA 25:5

dai rai nna, shi gaw Hkarmela mare e nga ai Nabala hpe sa tam na matu mung, shi hpe Dawi a shakram ga sa jaw na matu mung, shabrang marai shi hpe shangun dat wu ai.

1 SAMUELA 30:21

Dai hpang, hki ba nna n hkan nang lu sai majaw Besora hka shi e hti ngam nga ai marai lahkawng tsa nga ai de Dawi nhtang wa wu ai. Shanhte mung Dawi hpe sa tau la na nga, shawng de pru sa ma yang, Dawi mahtang shanhte kaw lung wa nna shanhte hpe tsaw ra ai hte shakram la wu ai.