1 SAMUELA 17:20 - Jinghpaw Common Language Bible 2009

²⁰ Dawi gaw hpang jahpawt jau jau rawt nna, sagu ni hpe rem ai wa langai ngai a lata hta ap kau da nhtawm, Yese shi hpe tsun matsun ai hte maren, lusha la gun nna pru mat wa wu ai. Israela amyu masha ni shanhte tsap dingren ai majan pa de pru sa wa let hpyen garu nga ma yang, Dawi gaw dap de shang wa wu ai.

Jinghpaw Hanson Version Bible

²⁰ Shaloi Dawi jahpawt jau jau e rawt nna, sagu ni hpe sagu rem ai wa langai mi a lata hta ap kau da nhtawm, kawa Yese hkang dat ai hte maren shahpa la gun nna sa wa ai: shing rai, hpyen luksuk ni hpyen hkyen garu let, gasat na pru ma yang, dai hpyen dap na leng ni nga ai shara de shi du ai.

1 SAMUELA 17:20 ပူးပေါင်းရင်းမြစ်များ

LUKA 19:43

Na a hpyen ni nang hpe kaduk ni hte dap jung nna wang da let, lam maga shagu pat shingdang da ai aten du wa na ra ai.

YAWSHU 3:1

Yawshu hte Israela amyu masha ni yawng hpang jahpawt e jau jau rawt nhtawm Akasia dabang kaw na pru wa let hka rap sa wa na matu dabang galaw da ai hkring sa shara Yawdan hka de sa wa ma ai.

1 SAMUELA 15:12

Shi gaw hpang jahpawt manap jau jau aten e Shawlu hpe sa tam na nga pru mat wa wu ai. Shaloi Shawlu mahtang Hkarmela mare de du nna dai shara e shi a matu masat shadaw langai gaw sharawt da wu ai; dai hpang Gilgala de yu mat wa sai lam Samuela na wu ai.

1 SAMUELA 17:19

Hkawhkam Shawlu, na a nhpu ni hte kaga Israela amyu masha ni yawng gaw Ela Kadit e nga nhtawm Hpilisti masha ni hpe gasat nga ma ai.

1 SAMUELA 17:21

Hpilisti hte Israela hpyen luksuk masha ni gaw shada myi man hkrum rai gasat hkat na matu shara hkyen bang wa nga ma ai.

1 SAMUELA 17:28

Dawi hte dai masha ni shaga hkat ai ga hpe Dawi a kahpu kaba Eliaba na wu ai. Shaloi shi masin pawt ai hte Dawi hpe, “Nang ndai yang e hpa sa galaw nga n ta? Na a sagu ni hpe nam mali kata e kadai wa rem ya nga a ta? Nang gaw maka n kap ai ma she rai nga n hka! Nang gaw gasat gala hpe yu azi na matu sa du nga ai n rai hka!,” ngu nna tsun wu ai.

1 SAMUELA 26:5

Dawi gaw Shawlu hte shi a dap up du Nera a kasha Abna hte hpyenla ni yup nga ai shara de di rai kalang lata sa mat wa wu ai. Shawlu mahtang dap kata e yup nga nna shi a masha ni gaw shi a grup yin hkan e dap jung da ma ai.

1 SAMUELA 26:7

Dawi yan Abishai gaw Shawlu a dap de, dai shana e shang ma yang, shi a baw nhtung e nri hpe ga hta jung da nna, dap ka-ang e yup nga ai Shawlu hpe sa mu ma ai. Abna hte hpyen hpung ni chyawm gaw shi a grup grup hkan e yup nga ma ai.