1 SAMUELA 17:18 - Jinghpaw Common Language Bible 2009

¹⁸ Ndai ngachyu shage tawng shi hpe mung shanhte a hpyen du wa a matu la sa ya u. Na a nhpu ni kaning rai nga nga ma ai hpe sa yu nhtawm shanhte ni kaja ai, n kaja ai hpe mung mada yu let shanhte kaw na kumla lama mi sha gaw la wa rit,” ngu nna tsun wu ai.

Jinghpaw Hanson Version Bible

¹⁸ ndai nga chyu shage tawng shi mung, shanhte a hpyen du kaba wa hpe jaw u; na nhpu ni kaja ai n kaja ai yu nna, shanhte kaw na kumla la wa rit,” ngu dat wu ai.

1 SAMUELA 17:18 ပူးပေါင်းရင်းမြစ်များ

NINGPAWT NINGHPANG 37:13

Yaku gaw Yosep hpe, “Na a nhpu ni sagu bainam rem ai Shehkem de sa na ngai ra nga nngai,” ngu nna tsun wu ai. Yosep mung, “Ngai jin jin rai nga nngai,” ngu nna htan wu ai.

NINGPAWT NINGHPANG 37:14

Shi a kawa mahtang, “Na a nhpu ni shim lum nga ai hpe mung, sagu hpung ni kaja nga ai hpe mung sa yu su, shing rai bai wa nna ngai hpe tsun dan e,” ngu nna tsun wu ai. Shi a kawa mung shi hpe Hebron Kadit kaw nna shangun dat wu ai.

ESHTA 2:11

Shi kaning rai nga ai mung, shi hta hpa byin wa na lam hpe chye lu hkra nga, Mordehkai gaw numsha ni a nta ndaw hku htaw de, le de rai shani shagu gahkrang hkawm nga ai.

YOBA 10:10

Ngai hpe shaprat na matu nye wa hpe nang n-gun bang ya nit dai; nang gaw ngai hpe nye nu a hkritung hta kaba wa shangun nga ndai.

PRU MAT 18:7

dai rai nna, Mawshe mung shi hpe tau la na nga pru sa nhtawm shi a man e gum dagup nna shi hpe pup wu ai. Shan gaw shada da hkam kaja ai lam san hkat let, Mawshe a sum kata de shang wa ma ai.

KASA 15:36

Dai hpang nhtoi ram ram na wa jang Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai hpe bai sa kawan yu saga,” nga nna tsun wu ai.

TARA AGYI 18:15

Dai re ai majaw Lewi shabrang wa nga ai Mihka a nta de sa nhtawm shi kaning rai nga ai lam Lewi masha wa hpe san yu ma ai.

1 SAMUELA 16:20

Yese mung lawze daw hta muk shagun nna, sabyi hpring hkra bang ai shanhpyi tau langai hte bainam kasha hte hpawn Dawi hpe Shawlu hpang de shangun dat wu ai.

1 SAMUELA 17:19

Hkawhkam Shawlu, na a nhpu ni hte kaga Israela amyu masha ni yawng gaw Ela Kadit e nga nhtawm Hpilisti masha ni hpe gasat nga ma ai.

1 SAMUELA 25:5

dai rai nna, shi gaw Hkarmela mare e nga ai Nabala hpe sa tam na matu mung, shi hpe Dawi a shakram ga sa jaw na matu mung, shabrang marai shi hpe shangun dat wu ai.

1 SAMUELA 30:21

Dai hpang, hki ba nna n hkan nang lu sai majaw Besora hka shi e hti ngam nga ai marai lahkawng tsa nga ai de Dawi nhtang wa wu ai. Shanhte mung Dawi hpe sa tau la na nga, shawng de pru sa ma yang, Dawi mahtang shanhte kaw lung wa nna shanhte hpe tsaw ra ai hte shakram la wu ai.