1 SAMUELA 17:17 - Jinghpaw Common Language Bible 2009

¹⁷ lani mi na aten hta Yese gaw Dawi hpe, “Ndai mam npaw bye mali, ndai muk tawng shi la lang nhtawm dap de nga ai na nhpu ni kaw tin tin sa wa su.

Jinghpaw Hanson Version Bible

¹⁷ Ya Yese gaw shi a kasha Dawi hpe, “Na nhpu ni a matu ndai mam npaw bye mi, dai muk tawng shi la nna, dap de nga ai na nhpu ni kaw gat su;

1 SAMUELA 17:17 ပူးပေါင်းရင်းမြစ်များ

2 SAMUELA 17:28

Dawi hte shi a masha ni nam mali kata e hki ba nna kawsi hpang gara hkrum sha nga ma ai hpe shanhte chye ma ai majaw shanhte gaw jarung, ga di bu hte panep ni hpe mung, Dawi hte shi a masha ni sha na lusha a matu hkaulan mam, muk-yaw mam, malu masha, kabaw da ai nsi naisi, shapre, naw kyu, lagat ntsin, htawbat, chyu shage hte sagu ni sa sak jaw ma ai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

RUHTA 2:14

Shat sha ai aten hta Bua gaw Ruhta hpe, “Wa rit, ndai muk hkyep hpe la nna ntsin hkri hta dai hpe dip galu u,” ngu nna tsun wu ai. Shing rai, mam dan ai ni hte rau shi wa dung nga ai; Bua mung shi hpang de mam nmyi nkau mi jaw shalai dat ya wu ai. Shi sha hkru nna lusha nkau mi naw ngam hkra pyi rai nga ai.

1 SAMUELA 17:16

Goliat wa chyawm gaw nhtoi mali shi ya tup jahpawt shana Israela amyu masha ni hpe sa dakat kat di wu ai.

1 SAMUELA 25:18

Abigala gaw muk tawng lahkawng tsa, sabyi ntsin shanhpyi tau lahkawng hpring hpring, kakang da sai sagu manga, mam npaw dang lahkawng, sabyi si jahkraw sumbaw latsa, lakum si jahkraw hte galaw da ai muk lahkawng tsa, ni hpe alawan lahkawn shinggyin la nhtawm lawze ni hta htaw ma ai.