1 SAMUELA 17:12 - Jinghpaw Common Language Bible 2009

¹² Dawi gaw Ehprat ngu ai Yuda mung Betlehem mare hta nga ai Yese a kasha rai nga ai. Yese gaw kasha matsat lu ai rai nna Shawlu hkawhkam a lakhtak e shi gaw grai dingla ugut gu nga sanu ai.

Jinghpaw Hanson Version Bible

¹² Ya Dawi gaw Ehprahta ngu ai, Yuda ga Betlehem masha Yese a kasha rai nga ai: dai Yese gaw shadang sha matsat lu ai rai nna, Shawlu a lakhtak e, dingla ugut gu ai prat rai sai.

1 SAMUELA 17:12 ပူးပေါင်းရင်းမြစ်များ

NINGPAWT NINGHPANG 35:19

Rahkela si mat ai shaloi, ya aten e Betlehem ngu nna tsun ai Ehprat de sa wa ai lam makau hta shi hpe lup makoi da mu ai.

2 SAMUELA 23:1

Yese a kasha Dawi gaw hkawhkam tai na matu Yaku a Karai Kasang e lata da hkrum nga ai. Shi gaw Karai Kasang e galu kaba shangun ai hte Israela a matu pyaw ngawn ai mahkawn ni hpe ka jahtuk tawn ai wa rai nga ai. Ndai ni gaw Dawi a hpang jahtum ngu na ga ndat ni rai nga ai:

SHAKAWN KUNGDAWN 132:6

Betlehem mare hta e, Sakse Sumpu a lam hpe anhte na saga ai rai nna, dai hpe Yearim a yi hta anhte mu lu sagaw ai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

MAHTE 1:6

Yese a kasha gaw Dawi Hkawhkam; Dawi hte Uria a madu jan kaw na shaprat ai kasha gaw Shawlumon:

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

MAHTE 2:6

‘Yuda mung na Betlehem e, nang gaw Yuda mung na mare ni hta kaji htum nga ndai n rai; nye a amyu Israela hpe woi rem na Du gaw nang kaw nna paw pru na ra ai,’” nga ai, ngu nna shi hpe tsun dan mu ai.

RUHTA 4:17

Shi a htingbu jan ni mung sa nna ma dai hpe Obed ngu shamying ya ma ai. Shanhte langai hte langai mung, “Naomi hta shadang sha langai lu nu ai!,” ngu nna tsun ma ai. Obed gaw Dawi a kawa Yese hpe shaprat wu ai.

1 SAMUELA 1:1

Ehprim amyu bawsang hta na Elakana mying ai wa langai mi gaw Ehprim bum ga na Rama mare hta nga nga ai. Shi gaw Zuhpa lakung lama na Tohu a dinghku hte seng ai Elihu a kashu, Yeroham a kasha rai nga ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 17:11

Shawlu hte shi a masha ni dai ga na ma ai shaloi, shanhte hkrit kajawng nga ma ai.

1 SAMUELA 17:58

Shawlu gaw shi hpe, “Shabrang wa e, nang kade kasha rai n ta?,” ngu nna san wu ai. Shaloi Dawi mung, “Ngai gaw Betlehem mare na na a shangun ma Yese a kasha rai nga nngai,” ngu nna htan wu ai.