1 SAMUELA 17:11 - Jinghpaw Common Language Bible 2009

¹¹ Shawlu hte shi a masha ni dai ga na ma ai shaloi, shanhte hkrit kajawng nga ma ai.

Jinghpaw Hanson Version Bible

¹¹ Dai Hpilisti wa dakat ai ga, Shawlu hte Israela masha ni na ma yang, shanhte gaw myit htum nna grai hkrit ma ai.

1 SAMUELA 17:11 ပူးပေါင်းရင်းမြစ်များ

SHAKAWN KUNGDAWN 118:6

Dai Madu ngai hte rau rai nga ai rai nna, ngai hpa hpe mung n hkrit nga nngai; Kadai wa ngai hpe hpa di lu na rai nga a ta?

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

GA SHAGAWP 28:1

Tara n lang ai ni gaw shanhte hpe shachyut ai ni kadai n nga ti mung, hprawng nga ma ai; rai ti mung ding hpring ai wa chyawm gaw hkanghkyi zawn nden ja nga ai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

TARA JAHPRANG 31:8

Dai Madu shi nan nang hte rau rai nga nna nang hpe woi awn na rai wu ai. Shi nang hpe kabai kau na n rai; nang hpe kau da na n rai; dai rai nna myit nden shaja u, hkum hkrit et,” ngu nna tsun wu ai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

1 SAMUELA 13:7

kaga nkau mi chyawm gaw Yawdan hka rap nna Gad hte Gilead a mung ni hkan hprawng makoi nga ma ai. Shawlu gaw Gilgala e naw nga nga ai rai nna, shi hte rau nga nga ai amyu masha ni mahtang hkrit gari nga ma ai.

1 SAMUELA 17:10

Dai ni, ngai Israela luksuk hpe dakat nga nngai. Ngai hte shada chyaw rai htim gasat lu na masha langai ngai shaw shapraw dat yu mu le!,” ngu nna jahtau tsun wu ai.

1 SAMUELA 17:12

Dawi gaw Ehprat ngu ai Yuda mung Betlehem mare hta nga ai Yese a kasha rai nga ai. Yese gaw kasha matsat lu ai rai nna Shawlu hkawhkam a lakhtak e shi gaw grai dingla ugut gu nga sanu ai.

1 SAMUELA 21:13

Shanhte shinggrup da nga mayang, Dawi gaw mana masu nna, mana shachyoi dan let shanhte shi hpe tek jum da ai shaloi, mare chyinghka ni hta mahkret ai hte shi a nhka mun hta mayen shalwi tawn wu ai.

1 SAMUELA 7:7

Israela amyu masha ni Mizpa shara e zup hpawng nga masai lam hpe Hpilisti masha ni na ma ai shaloi, shanhte hpe htim gasat na matu Hpilisti hkawhkam manga hte shanhte a masha ni hte rau rawt sa wa hpang ma ai. Israela amyu masha ni mung dai lam na jang hkrit ma ai rai nna,