1 SAMUELA 17:10 - Jinghpaw Common Language Bible 2009

¹⁰ Dai ni, ngai Israela luksuk hpe dakat nga nngai. Ngai hte shada chyaw rai htim gasat lu na masha langai ngai shaw shapraw dat yu mu le!,” ngu nna jahtau tsun wu ai.

Jinghpaw Hanson Version Bible

¹⁰ Dai Hpilisti wa gaw, “Ngai dai ni Israela hpyen laba ni hpe dakat nga nngai; langai chyaw shada sat hkat lu na, marai langai mi dat dat mu le,” ngu wu ai.

1 SAMUELA 17:10 ပူးပေါင်းရင်းမြစ်များ

2 SAMUELA 21:21

Shi gaw Israela masha ni hpe grang dakat nna ninghkap wu ai majaw Dawi a kahpu Shama a kasha Yonahtan shi hpe sat kau wu ai.

2 SAMUELA 23:9

Aho lakung lama na Dodo a kasha Eleaza gaw gumhkawng ai share masum kaw na lahkawng ngu na wa rai nga ai. Lani mi na nhtoi hta shi hte Dawi yan gaw majan gasat na matu hpawng nga ai Hpilisti masha ni hpe hkap dakat ma ai. Israela masha ni htingnut mat wa tim,

2 HKAWHKAM 19:4

Asuri hkawseng gaw ahkrung nga ai Karai Kasang hpe shatan nhkan galaw na nga, shi a du ningbaw wa hpe shangun dat nu ai. Dai Madu na a Karai Kasang gaw dai shatan nhkan ga ni hpe na ya nna shing ngu tsun shatan ai ni hpe ari jaw u ga law. Dai re ai majaw naw hkrung nga ai anhte a amyu masha ni a matu Karai Kasang kaw akyu hpyi ya mi.”

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

1 SAMUELA 17:11

Shawlu hte shi a masha ni dai ga na ma ai shaloi, shanhte hkrit kajawng nga ma ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.

1 SAMUELA 17:45

Dawi gaw, “Nang gaw ngai kaw nhtu, nri hte jinghkyen nri ni hte sa ndai; rai ti mung ngai chyawm gaw nang hkap daw ai dai Chyahtum Chyalai N-gun hte hpring ai dai Madu Israela hpyen luksuk ni a Karai Kasang a mying ningsang hte nang kaw sa ring ngai.