1 SAMUELA 17:1 - Jinghpaw Common Language Bible 2009

¹ Hpilisti masha ni gaw majan gasat na matu, Yuda mung na Sohko mare hta zup hpawng la nna, Sohko hte Azeka lapran na Ehpe Damim mying ai shara e dap jung tawn ma ai.

Jinghpaw Hanson Version Bible

¹ Ya Hpilisti masha ni gaw, hpyen gasat na nga tinang a luksuk laba lahkawn nna, Yuda ga Sohko hte Azeka lapran na, Ehpe-damim shara e dap jung nga ma ai.

1 SAMUELA 17:1 ပူးပေါင်းရင်းမြစ်များ

1 HKAWHKAM LABAU 11:13

Shi gaw Dawi maga de tsap nna Pas Damim majan pa e Hpilisti masha ni hpe gasat wu ai. Israela masha ni hprawng htaw mat wa yang, shi mahtang muk-yaw mam hkaibang yi langai hta nga nga wu ai,

2 HKAWHKAM LABAU 11:7

Betzura, Sohko, Adulam,

2 HKAWHKAM LABAU 28:18

Dai aten hta nan Hpilisti masha ni mung sinna maga de nga ai bum lagaw ni hkan na mare ni hte Yuda mung a dingda maga de na mare ni hpe sa shang hpya ma ai. Shanhte gaw Bet Sheme mare, Aiyalon mare, Gederot mare ni hpe mung, Sohko mare, Timna mare hte Gimzo mare ni hte de a kahtawng ni hte hpawn gasat kashun la nna dai hkan e dinggrin a nga nga ma ai.

YEREMIA 34:7

Babelon hkawhkam wa a hpyen luksuk ni gaw Yerusalem hpe htim gasat nga ma ai. Dai hpyen luksuk ni gaw Lahkisha hte Azeka ngu ai Yuda mung hta naw ngam nga ai bunghku kum ai mare yan hpe mung htim gasat ma ai.

YAWSHU 15:35

Yarmut, Adulam, Sohko, Azeka,

TARA AGYI 3:3

Dai mung hta ngam nga ai ni gaw Hpilisti mare manga hte hte, Hkanani amyu ni yawng, Sidon masha ni, bai Bela Hermon Bum kaw nna Hamat mare uhkan du hkra nga ai Lebanon Bum hkan na Hiwi masha ni rai nga ai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

1 SAMUELA 14:46

Dai hpang, Shawlu gaw Hpilisti masha ni hpe n shachyut mat nu ai rai nna shanhte mung shanhte a mung ga de nhtang mat wa ma ai.

1 SAMUELA 14:52

Shawlu hkrung nga dingsa, shi gaw Hpilisti masha ni hpe majan aja awa gasat ra wu ai rai nna, n-gun ja nna magrau grang ai masha mu shagu, shi a hpyen luksuk jahpan hta mying bang la la rai wu ai.

1 SAMUELA 7:7

Israela amyu masha ni Mizpa shara e zup hpawng nga masai lam hpe Hpilisti masha ni na ma ai shaloi, shanhte hpe htim gasat na matu Hpilisti hkawhkam manga hte shanhte a masha ni hte rau rawt sa wa hpang ma ai. Israela amyu masha ni mung dai lam na jang hkrit ma ai rai nna,