1 SAMUELA 16:6 - Jinghpaw Common Language Bible 2009

⁶ Shanhte du ma ai shaloi, Samuela gaw Yese a kasha Eliaba hpe mu dat wu ai rai nna, “Dai Madu a man e tsap nga ai ndai wa gaw shi lata san da ai wa teng teng rai nga sai,” ngu nna shi kraw e myit nawn la wu ai.

Jinghpaw Hanson Version Bible

⁶ Ya shanhte du ma jang, shi Eliaba hpe hkap yu nna, “Gaja wa, Yehowa a namman chya hkam na wa gaw, shi a man e rai sai,” nga ai.

1 SAMUELA 16:6 ပူးပေါင်းရင်းမြစ်များ

1 HKAWHKAM 12:26

Shi gaw, “Nye a amyu masha ni Yerusalem mare de sa nna ya nga nga ai arung arai ni hte maren, dai yang na Nawku Htingnu kata, dai Madu hpe shagu hkungga ni nawng ya ai rai yang, shanhte gaw Yuda Hkawhkam Rehoboam hpang maga de myit bai machyu wa nna, ngai hpe sat kau na mara ai,” ngu nna shi a myit masin hta tsun wu ai.

1 HKAWHKAM 4:11

Benabinadab, shi gaw Shawlumon a shayi sha Tahpat hpe hkungran la ai wa rai nga ai: Dora ginwang ting

1 HKAWHKAM LABAU 2:13

Yese gaw shadang sha sanit lu nga ai. Dai ni gaw asak kaji kaba hku hkan yang Eliaba, Abinadab, Shama,

1 HKAWHKAM LABAU 28:4

Dai Madu Israela a Karai Kasang gaw ngai hpe lata la sai hte Israela ntsa e nye a amyu matu mara ni hpe htani htana up shangun nga ai. Shi gaw ningbaw tai ya na matu Yuda amyu bawsang hpe lata la nu ai; Yuda amyu kaw na nye wa a dinghku hpe shi lata la nga sai. Dai dinghku masha ni kaw na ngai hpe woi la nhtawm Israela mung ting a ntsa e up nga na matu ngai hpe hkawhkam shatai ni ai gaw shi a ra sharawng ai lam rai nga ai.

2 HKAWHKAM LABAU 11:18

Rehoboam gaw Dawi a kasha Yerimot a shayi sha Mahalat hpe hkungran la ai rai nna, shi a kanau mahtang Eliaba a shayi sha Abihala rai nna Yese a kashu shayi sha rai nga ai.

SHAKAWN KUNGDAWN 84:9

Karai Kasang e, nang lata san da sai hkawhkam ngu ai anhte a hkawhkam wa hpe shaman ya u.

TARA AGYI 8:18

Dai hpang Gidon mung Zeba yan Zalmuna hpe, “Tabora e nan sat kau ai masha ni gaw kaning san ai ni rai ma ta?,” ngu nna san yu wu ai. Shaloi shan gaw, “Shanhte gaw nang zawn re ai hkrai rai ma ai. Shanhte langai hte langai mung hkawhkam kasha zawn rai ma ai,” ngu nna htan ma ai.

1 SAMUELA 17:13

Shi a kaba htum ai shadang sha masum gaw majan gasat na matu Shawlu kaw hkan nang nga ma ai. Dai kaba htum ai ni gaw alat ngu na Eliaba, dai hpang Abinadab hte masum ngu na Shama ni rai ma ai.

1 SAMUELA 17:22

Dawi gaw shi gun ai lusha ni hpe lusha garan ya ai hpareng wa hpe ap kau da nhtawm majan shara de kagat shang wa let shi a kahpu ni hpang de sa wa nna shanhte kaning rai nga ai lam san wu ai.