1 SAMUELA 16:5 - Jinghpaw Common Language Bible 2009

⁵ Shi gaw, “Rai nga nngai, dai Madu hpe shagu hkungga nawng jau ya na matu du sa ring ngai. Nanhte a hkum ni jasan jaseng kau nhtawm ngai hte rau sa ga,” ngu nna htan wu ai. Shi gaw Yese hte shi a shadang sha ni hpe mung shanhte a hkum ni hpe jasan jaseng kau nhtawm shagu hkungga nawng ya ai de sa na matu shaga wu ai.

Jinghpaw Hanson Version Bible

⁵ Shi gaw, “Ngwipyaw lam hte hpawn, Yehowa hpe hkungga jaw na du ring ngai; tinang hkum shachyoi shapra nna, ngai hte rau hkungga poi shang na sa marit,” wu ai. Yese hte shi a kasha ni hpe mung shi shachyoi shapra nna, hkungga poi de shaga mu ai.

1 SAMUELA 16:5 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku mung shi a dinghku masha ni hte shi hte rau nga nga ai ni yawng hte hpe, “Nanhte lu ai maigan hpara sumla ni hpe shapraw kau mu, tinang hkum hpe tinang dai shachyoi shapra nna asan aseng re ai hpun palawng ni bu hpun mu.

1 HKAWHKAM 2:13

Dai hpang Hagit a kasha Adoniya gaw Shawlumon a kanu Batsheba kaw sa wu ai. Batsheba chyawm gaw, “Ndai gaw jinghku hku sa du chyai ai lam rai nga a ni?,” ngu nna hkap san wu ai. Dai hpang shi gaw, “Jinghku hku sa du chyai nngai,” ngu nna htan wu ai;

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

YOBA 1:5

Lusha poi ngut ai hpang e, Yoba gaw jau jau rawt nna shi a ma ni hpe jasan jaseng na nga, shanhte langai hte langai a matu shagu hkungga ni nawng ya wu ai. Shi gaw shanhte hta na marai langai ngai Karai Kasang hpe n dum shami n kaw n law di kau let shut hpyit kau mai nga ai nga nna myit nawn la nga wu ai majaw dai lam hpe shi galoi mung galaw nga ai.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

YOELA 2:16

Amyu masha ni hpe shinggyin jahpawng tawn mu; shanhte a matu chyoi pra ai zup hpawng hkyen ya mu; dingla ni hpe jahpawng mu; ma kaji ni hpe shinggyin mu; chyu chyu ai ma chyangai ni hpe hpawng shangun mu. Hkungran num, hkungran la nnan ni pyi shanhte a nta gawk kata kaw na pru sa wa lu na mara ai.

ZEHPANI 1:7

Dai Madu gaw mungkan masha ni hpe tara tingnyang hta dung nna jeyang na nhtoi ni wa magang ra ai; dai majaw shi a man e asim sha nga nga mu. Dai Madu gaw shi a amyu masha ni hpe hkungga nawng jau ya na matu poi shachyip lajang ya nga ai hte Yuda mung hpe hpya kau na matu gumlau hpyen ni hpe shaga da nga nu ai.

BU HKAWM 11:8

Dai gaw but ai dap hta numri hte rau shana e hkrat nga ai; amyu masha ni gaw dai ni hpe hpang jahpawt e sa tam magawn la nna dai hpe rin ai gaw rin, mani hkra htu ai gaw htu rai nna dai hpe shadu nhtawm muk pa galaw ma ai. Dai gaw tsanlun sau hte kabaw ai muk zawn mu nga ai.)

1 KORINHTU 11:28

Dai majaw kadai wa mung, tinang hkum hpe shawng san dinglik yu nhtawm, dai muk sha nna dai gawm hta na lu u ga.

YAWSHU 3:5

Yawshu gaw amyu masha ni hpe, “Dai Madu gaw hpawt ni e nanhte hta mauhpa lamik kumla galaw dan na ra ai majaw, tinang hkum ni hpe jasan jaseng da mu,” ngu nna tsun wu ai.

YAWSHU 7:13

Rawt u! amyu masha ni hpe jasan jaseng u. Shanhte hpe nye a man de pru sa na matu jin jin di da u. Dai Madu, Israela a Karai Kasang ngai gaw ndai lam hpe tsun ra nngai majaw, hpawt de jin jin rai nga na lam shanhte hpe tsun u; dai rai nna Israela e, jahten kau na matu ngai nanhte hpe hkang dat ai arai nkau mi nanhte a lata hta madu da nga myit dai! Dai arai ni hpe nang seng kau ai aten du hkra nanhte a gumlau hpyen ni hpe lu ninghkap lu na myit dai n rai.

1 SAMUELA 20:26

rai ti mung Shawlu gaw, “Shi hta lama ma byin sai, shi gaw htung lai hku nna kaja wa n san n seng nga sai,” ngu nna shi myit nawn la wu ai majaw dai shani e hpa mung n shaga nga ai.