1 SAMUELA 16:4 - Jinghpaw Common Language Bible 2009

⁴ Samuela mung dai Madu shi hpe tsun ai hte maren galaw nhtawm Betlehem mare de sa mat wa wu ai; dai yang e mare ningbaw ni gaw hkrit kajawng ai hte shi hpe sa hkrum let, “Myi san wa e, ndai gaw ngwi pyaw sim sa ai hte seng ai hkawm chyai lam rai nga a ni?,” ngu nna hkap san ma ai.

Jinghpaw Hanson Version Bible

⁴ Samuela mung, Yehowa tsun ai hte maren galaw nna, Betlehem mare de sa du ai. Betlehem na agyi salang ni gaw, shi hpe hkrit gari let sa tau nna, “Nang ngwipyaw lam hte sa rin ni?” Ngu nna san mu ai.

1 SAMUELA 16:4 ပူးပေါင်းရင်းမြစ်များ

NINGPAWT NINGHPANG 35:19

Rahkela si mat ai shaloi, ya aten e Betlehem ngu nna tsun ai Ehprat de sa wa ai lam makau hta shi hpe lup makoi da mu ai.

NINGPAWT NINGHPANG 48:7

Ndai lam hpe na nnu Rahkela a majaw ngai galaw nga nngai. Mesopotamia mung kaw nna ngai bai nhtang wa ai shaloi, Ehprat mare hte nau n tsan ai Hkanan mung hta shi si mat nna ngai hpe yawn hkyen kaba jahkrum nu ai. Dai rai nna Ehprat de sa wa ai lam makau e shi hpe ngai lup makoi se ai,” ngu nna tsun wu ai. (Ehprat hpe ya aten e Betlehem ngu ai re.)

2 SAMUELA 6:9

Dawi mung dai Madu hpe hkrit wu ai rai nna, “Ya ndai Ga Shaka Sumpu ngai hte rau kaning rai la wa na i?,” ngu nna tsun wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 2:13

Dai hpang Hagit a kasha Adoniya gaw Shawlumon a kanu Batsheba kaw sa wu ai. Batsheba chyawm gaw, “Ndai gaw jinghku hku sa du chyai ai lam rai nga a ni?,” ngu nna hkap san wu ai. Dai hpang shi gaw, “Jinghku hku sa du chyai nngai,” ngu nna htan wu ai;

2 HKAWHKAM 9:22

Yoram gaw, “Nang gaw ngwi pyaw sim sa ai hte du sa wa nga n ni?,” ngu nna hkap san wu ai. Yehu gaw, “Na nnu Yezebela galaw hpang dat ai hpyi lamum shung sha ai hte hpara sumla nawku ai lai ni yawng nde wa anhte kaw naw nga nga ai rai yang, ngwi pyaw sim sa lam kaning rai lu la mai na rai nga a ta?,” ngu nna htan wu ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

LUKA 2:4

Yosep mung, Dawi a aru arat hte kashu kasha rai nga ai majaw, Galile mung na Nazaret mare kaw nna Yuda mung na Dawi hkawhkam a shangai daidaw buga rai nga ai Betlehem mare de lung wa ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

LUKA 8:37

Shaloi, buga ginwang hkan na masha ni yawng gaw, hkrit kaba hte hkrit ma ai majaw shanhte kaw na pru mat wa na matu Yesu hpe jawm hpyi nem ma ai. Dai rai nna Yesu gaw li de shang nhtawm, dai shara na pru mat wa ai.

1 SAMUELA 21:1

Dawi gaw hkinjawng Ahimelek nga ai Noba mare de sa wa wu ai. Ahimelek mung shi hpe hkap tau la na nga hkrit gari ai hte pru sa wa nhtawm, “Nang chyu sha ndai shara de hpa majaw sa wa n ta?,” ngu nna hkap san wu ai.