1 SAMUELA 16:19 - Jinghpaw Common Language Bible 2009

¹⁹ Shawlu gaw Yese hpang de kasa ni hpe shangun dat nhtawm, “Sagu rem ai na a nsha Dawi hpe ngai hpang de shangun dat ya e,” ngu nna tsun dat wu ai.

Jinghpaw Hanson Version Bible

¹⁹ Dai majaw shawlu gaw Yese hpang de masha shangun dat nna, “Sagu rem ai, na nsha Dawi hpe ngai hpang de dat ya rit,” ngu dat wu ai.

1 SAMUELA 16:19 ပူးပေါင်းရင်းမြစ်များ

1 HKAWHKAM 19:19

Elia pru sa wa wu yang, utang gap mi hte ga galau nga ai Elisha hpe sa mu wu ai; shi a shawng e gap shi langai nga nga ai rai nna Elia gaw shi a ntsa palawng raw la nna Elisha hpe jahpun ya wu ai.

SHAKAWN KUNGDAWN 113:8

shanhte hpe hkawhkam kasha ni hte manang shatai nna amyu masha ni a hkawhkam kasha ni hpe karum manang shatai wu ai.

AMO LAIKA (AMOS) 1:1

Ndai gaw Yuda mungdan a Hkawhkam Uzia hte Israela Hkawhkam Yosha a kasha Yeroboam a lakhtak e, nnang nawn garai n nawn ai lahkawng ning a shawng e, Tekoa mare na sagu rem wa Amo hpe Israela hte seng nna Karai Kasang kaw na lu la ai mungga ni rai nga ai.

1 SAMUELA 16:11

Samuela gaw shi hpe, “Nang hta kaga shadang sha ni naw nga a ni?,” ngu nna san wu ai. Yese gaw, “Kaji htum wa gaw naw nga ai, rai ti mung shi gaw shinggan de sagu rem hkawm nga ai,” ngu nna htan wu ai. Samuela gaw, “Shi hpe nang de sa wa na tsun mu, shi n du wa dingsa, anhte dai shagu hkungga nawng jau na ga ai n rai,” ngu nna tsun wu ai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 16:20

Yese mung lawze daw hta muk shagun nna, sabyi hpring hkra bang ai shanhpyi tau langai hte bainam kasha hte hpawn Dawi hpe Shawlu hpang de shangun dat wu ai.

1 SAMUELA 17:15

Dawi gaw Betlehem mare de wa wa rai nhtawm kawa a sagu ni hpe wa rem ya ya rai nga ai.