1 SAMUELA 16:14 - Jinghpaw Common Language Bible 2009

¹⁴ Dai Madu a wenyi Shawlu kaw na pru mat wa sai rai nna, dai Madu dat dat ai n hkru ai wenyi mahtang shi hpe sharu shatsang nna zingri nga ai.

Jinghpaw Hanson Version Bible

¹⁴ Ya Yehowa a wenyi Shawlu kaw na pru mat wa ai rai nna, Yehowa kaw na n hkru ai nat shi hpe shatsang tsang rai nga ai.

1 SAMUELA 16:14 ပူးပေါင်းရင်းမြစ်များ

2 SAMUELA 7:15

Nang hkawhkam tai lu hkra, Shawlu a lata kaw na ngai seng kau ai zawn shi hpe karum madi shadaw ai lam ngai dawm kau ya na we ai n rai.

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

SHAKAWN KUNGDAWN 51:11

Na a myi man kaw nna ngai hpe hkum shaden kau et; na a chyoi pra ai wenyi ngai kaw na hkum dawm la kau ya e.

HOSEA 9:12

Shanhte gaw ma ni hpe bau maka dat ai rai tim, shanhte hpe ngai woi la nna, langai mi hpe mung jahkrung tawn da na we ai n rai. Ndai amyu masha ni hpe ngai kau da ai shaloi, hkrit hpa amu shanhte hta byin hkrum hkra wa na mara ai,” ngu nna tsun we ai.

TARA AGYI 16:20

Dai hpang shi gaw, “Samson e! Hpilisti masha ni sa wa mara ai law!,” ngu nna jahtau tsun wu ai. Shi yup hprang wa nna, “Shi gaw shawoi na zawn ndut ndang hprawng pru mat wa we ga,” ngu nna myit yu wu ai. Shi chyawm gaw dai Madu shi hpe tawn kau da nu ai hpe n chye da wu ai.

TARA AGYI 16:29

Samson gaw nta dawhpum ngu na ka-ang na shadaw lahkawng hpe apai ahkra di nna lata hte ahpum da nhtawm dai ni hpe shi kanawng dat let,

TARA AGYI 9:23

Shaloi, Karai Kasang gaw Abimelek hte Shehkem masha ni langai hte langai a lapran e nhtan shai shangun ai hte shi hpe gumlau ma ai.

1 SAMUELA 11:6

Shawlu gaw dai shiga na ai shaloi, Karai Kasang a wenyi shi hpe up hkang nga ai rai nna shi masin ja ja kahtet nga ai.

1 SAMUELA 16:15

Shi a shangun ma ni gaw shi hpe, “Karai Kasang e shangun dat ai dai n hkru ai wenyi nang hpe sharu shatsang tsang rai nga ai hpe anhte chye ga ai.

1 SAMUELA 16:16

Dai re ai majaw, Madu e, tingse atsawm sha dum shapyaw chye ai masha langai mi tam na ahkang jaw mi. Dai n hkru ai wenyi nang kaw du ai shaloi, dai wa shi a tingse dum ai majaw nang bai bran wa lu na rai ndai,” ngu nna tsun ma ai.

1 SAMUELA 16:23

Dai aten kaw nna Karai Kasang e shangun dat ai n hkru ai wenyi gaw Shawlu kaw du shagu Dawi gaw tingse dum shapyaw pyaw di ya wu ai. Shaloi n hkru ai wenyi gaw pru mat wa nhtawm Shawlu bran wa ai hte bai mai mat mat rai nga ai.

1 SAMUELA 18:10

Hpang shani e, Karai Kasang kaw na n hkru ai wenyi gaw Shawlu hpe akajawng sha sa hkang dat nga ai rai nna, mana langai mi zawn shi a hkaw kata e ndum ndam rai abrawp rawng taw nga ai. Dawi gaw shani shagu shi galaw nga ai hte maren tingse sumpyi dum nga yang, Shawlu gaw nri langai mi lang da nhtawm,

1 SAMUELA 18:12

Shawlu hpe kau tawn da sai dai Madu gaw Dawi hte rau nga nga ai majaw Shawlu shi hpe hkrit wu ai.

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.