1 SAMUELA 16:12 - Jinghpaw Common Language Bible 2009

¹² Dai rai nna, Yese gaw shi hpe shaga dat wu ai. Shi gaw ahpraw asam tsawm nna hkam kaja ai shabrang ma rai nhtawm shi a myi man ni tu kabrim nga wu ai. Dai Madu gaw Samuela hpe, “Ndai wa rai nga ai, shi hpe namman jaw ya u!,” ngu nna tsun wu ai.

Jinghpaw Hanson Version Bible

¹² Shing rai shi hpe shaga wa ma ai. Shi gaw myi man hkyeng nna, ahpraw tsawm ai hte hkumhkrang hking ai wa rai nga ai. Yehowa mung, “Ndai wa re ai; rawt nna shi hpe namman chya u,” ngu wu ai.

1 SAMUELA 16:12 ပူးပေါင်းရင်းမြစ်များ

NINGPAWT NINGHPANG 39:6

Hputihpa mung shi lu ai arung arai mahkra hpe Yosep e yu lajang na matu, shi a lata hta ap ya wu ai rai nna, shi sha ai lusha hta kaga hpa hpe mung shi nan n hkan chye nang ra wu ai. Yosep chyawm gaw hkum shingyan galu kaba nna ahpraw nsam mung htap nga ai.

2 SAMUELA 23:1

Yese a kasha Dawi gaw hkawhkam tai na matu Yaku a Karai Kasang e lata da hkrum nga ai. Shi gaw Karai Kasang e galu kaba shangun ai hte Israela a matu pyaw ngawn ai mahkawn ni hpe ka jahtuk tawn ai wa rai nga ai. Ndai ni gaw Dawi a hpang jahtum ngu na ga ndat ni rai nga ai:

2 SAMUELA 7:8

“Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

1 HKAWHKAM 1:34

dai yang e, Zadok hte Nahtan gaw shi hpe Israela hkawhkam tai wa na matu namman jaw ya na rai myit dai. Dai hpang pahtau dum dat nhtawm, “Hkawhkam Shawlumon asak galu u ga law!,’ ngu nna jahtau tsun na rai myit dai.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

SHAKAWN KUNGDAWN 78:70

Shi gaw shi a shangun ma Dawi hpe lata la nu ai, sagu hpung ni hpe bau rem nga ai udat shara ni kaw na shi hpe lata la nhtawm;

PRU MAT 2:2

shi gaw dai wa a matu shadang sha langai shangai ya wu ai. Ma dai ahpraw tsawm nga ai hpe kanu mu wu ai shaloi shi gaw ma dai hpe shata masum tup makoi da wu ai.

Shawlumon A Mahkawn Ga 5:10

Nye a tsaw ra wa gaw tsawm htap nna n-gun ja nga ai; shi gaw masha mun mi hta langai mi rai nga ai.

SHARUNG SHAYAWT 4:7

Anhte a hkawhkam shadang sha ni gaw matsat shabat awu asin n re ai sha hkyen zawn san seng nna; wa-ngan marai hte n-gun ja nhtawm shanhte hta hkam kaja ningchya rawng nga ma ai.

ZEHKARIA 4:14

Dai hpang, shi gaw, “Dai gaw ginding aga ting a Madu rai nga ai shi hpe daw jau na matu Karai Kasang e lata san da nna namman jaw hkam sai masha lahkawng rai nga ai,” ngu nna tsun wu ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

KASA 7:20

Dai aten hte yang Mawshe shangai wa ai rai nna shi gaw ahpraw nsam grai tsawm ai ma rai nga ai. Shata masum tup nta e bau maka da ai hkrum wu ai,

HEBRE 11:23

Kam sham ai hte Mawshe a kanu yan kawa gaw shi shangai ngut ai hpang shata masum tup shi hpe makoi da mu ai. Mawshe gaw grai tsawm ai ma rai nga ai hpe shan mu ma ai rai nna hkawhkam wa shapraw ai hkang da ai ga hpe lale na matu n hkrit ma ai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 17:42

Dawi hpe asan apra sha mu mada jang, shi hpe n gawn n sawn di wu ai; hpa majaw nga yang, shi gaw ahpraw asam tsawm nna yu htuk ai ma naw rai nga ai.

1 SAMUELA 17:55

Dawi gaw Goliat hpe gasat na nga sa wa ai hpe Shawlu mu jang, shi a hpyen dap hpe up hkang ai Abna hpe, “Abna e, shi gaw kade a kasha rai nga a ta?,” ngu nna san wu ai. Shaloi Abna gaw, “Madu hkawhkam e, “Ngai n chye myit lu nngai,” ngu nna htan wu ai.

1 SAMUELA 9:17

Samuela gaw Shawlu hpe mu ai shaloi, dai Madu gaw shi hpe, “Ngai nang hpe tsun ai gaw, dai wa rai nga ai. Shi gaw nye a amyu masha ni hpe up hkang na ra ai,” ngu nna tsun wu ai.