1 SAMUELA 16:11 - Jinghpaw Common Language Bible 2009

¹¹ Samuela gaw shi hpe, “Nang hta kaga shadang sha ni naw nga a ni?,” ngu nna san wu ai. Yese gaw, “Kaji htum wa gaw naw nga ai, rai ti mung shi gaw shinggan de sagu rem hkawm nga ai,” ngu nna htan wu ai. Samuela gaw, “Shi hpe nang de sa wa na tsun mu, shi n du wa dingsa, anhte dai shagu hkungga nawng jau na ga ai n rai,” ngu nna tsun wu ai.

Jinghpaw Hanson Version Bible

¹¹ Bai Samuela gaw, “Na nsha ni ndai hte sha rai ni?” Ngu nna Yese hpe san wu yang, shi gaw, “Hpungdim shadoi langai mi gaw naw nga ai; shi gaw sagu rem nga ai,” ngu nna tsun dan wu ai. Shaloi Samuela gaw, “Shi hpe shaga shangun dat u; shi garai n du yang, poi de shang dung na ga ai n rai,” ngu nna Yese hpe tsun wu ai.

1 SAMUELA 16:11 ပူးပေါင်းရင်းမြစ်များ

2 SAMUELA 13:3

Rai ti mung shi hta Dawi a kahpu Shama a kasha Yonadab mying nna zen ai amyu jinghku manang langai nga nga ai.

2 SAMUELA 7:8

“Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

1 HKAWHKAM LABAU 17:7

“Dai re ai majaw Chyahtum Chyalai n-gun rawng ai Ngai Madu nan shi hpe tsun ai ga, nye a shangun ma Dawi hpe ning ngu nna tsun su, ‘Ngai gaw nang pa ga hkan e sagu naw rem nga ai kaw nna nang hpe shaw la nhtawm Israela amyu masha ni hpe up hkang ai du aya nang hpe tawn da ya ni ai.

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

1 SAMUELA 16:10

Ndai hku nna Yese gaw shi a kasha sanit hte du hkra Samuela kaw woi sa wu ai. Shaloi rai tim, Samuela gaw shi hpe, “N rai nga ai law, dai Madu gaw ndai ni hta na langai mi hpe mung lata la nga ai n rai,” ngu nna tsun wu ai.

1 SAMUELA 17:28

Dawi hte dai masha ni shaga hkat ai ga hpe Dawi a kahpu kaba Eliaba na wu ai. Shaloi shi masin pawt ai hte Dawi hpe, “Nang ndai yang e hpa sa galaw nga n ta? Na a sagu ni hpe nam mali kata e kadai wa rem ya nga a ta? Nang gaw maka n kap ai ma she rai nga n hka! Nang gaw gasat gala hpe yu azi na matu sa du nga ai n rai hka!,” ngu nna tsun wu ai.