1 SAMUELA 15:24 - Jinghpaw Common Language Bible 2009

²⁴ Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.

Jinghpaw Hanson Version Bible

²⁴ Shaloi Shawlu gaw, “Ngai shut ni ai; masha ni hpe hkrit nna, shanhte a ga madat kau ai majaw, Yehowa a ga hpe mung, na a ga hpe mung, tawt kau ni ai.

1 SAMUELA 15:24 ပူးပေါင်းရင်းမြစ်များ

NINGPAWT NINGHPANG 3:12

Shinggyim lasha gaw, “Ndai shara e ngai hte rau nga na matu nang ap ya ai numsha gaw ngai hpe namsi jaw nna dai hpe ngai sha kau ni ai,” ngu nna htan wu ai.

NINGPAWT NINGHPANG 3:17

Shi gaw lasha hpe mung, “Na madu jan a ga hpe nang madat nna, hkum sha ngu nna ngai tsun da ai hpun hta na asi hpe nang sha kau nit dai. Nang galaw kau nit dai amu a majaw aga gaw dagam dala hkrum na ra ai. Nang hkrung nga ai hte yang bungli shaja sha ra nna na a matu lusha hpe mung dai hta alaw alam galaw shapraw ra na ndai.

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

YOBA 31:34

Masha ni ngai hpe kaning nga tsun na lam hpe ngai galoi mung n hkrit nngai; shanhte a jahpoi asawng ai ga hpe ngai hkrit nngai majaw, nhku kata e rawng nna galoi mung atsin sha nga nngai n rai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

PRU MAT 10:16

Dai hpang hkawhkam wa gaw Mawshe yan Arun hpe alawan shaga la nhtawm, “Ngai gaw dai Madu nan a Karai Kasang hpe mung, nan hpe mung shut kau ni ai.

PRU MAT 23:2

Nang gaw n hkru ai amu galaw ai hte teng man ai lam hpe shadam kau na matu masha law law sakse hkam ya ai maga de hkum hkan et.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

YEREMIA 38:5

Hkawhkam Zedekia gaw, “Ara rai sa, grai kaja sai, shing nga jang gaw, nanhte shi hpe galaw mayu ai hku galaw mu, ngai nanhte hpe n hkum lu ni ai,” ngu nna htan wu ai.

BU HKAWM 22:34

Balam gaw, “Ngai shut ni ai, ngai hkum shingdang na matu lam e nang tsap nga ndai hpe ngai n chye kau we ai; ya rai ti mung, hkawm matut na lam nye a matu n manu ai ngu nna nang myit lu ai rai yang, ngai nta de bai nhtang wa na nngai,” ngu nna tsun wu ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

1 SAMUELA 15:15

Shawlu gaw, “Nye a masha ni she dai ni hpe Amalek masha ni kaw na la wa ma ai. Dai Madu na a Karai Kasang hpe shagu hkungga nawng ya na nga, kaja htum ai sagu dumsu ni hpe shanhte kyem da nna, kaga gale ni hpe chyawm gaw tsep kawp anhte jahten shaza kau saga ai,” ngu nna htan wu ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.

1 SAMUELA 15:9

Rai ti mung, Shawlu hte shi a masha ni gaw Agag a asak hte hpawn kaja htum ai sagu, dumsu, grau kaja htum ai dumsu ni, sagu kasha ni hte kaja ai arai hpa hpe mung n shaza kau ai sha jahkrung da ma ai; asung n shang ai hte manu n dan ai arai ni hpe chyu sha jahten shaza kau ma ai.

1 SAMUELA 2:29

Nye a amyu masha ni kaw ngai hpyi ai shagu hkungga hte hkungga ni hpe hpa majaw sha marim mayu ai myit hte yu myit ni? Eli e, Nye a amyu masha ni ngai hpe nawng ya ai shagu hkungga ni yawng hta na kaja htum ai arai ni hpe hkru hkru kat kat sha shangun let na a kasha ni hpe ngai hta grau hkra hpa majaw shagrau da n ni?

1 SAMUELA 26:21

Shawlu gaw, “Ngai shut kau ni ai. Nye kasha Dawi e, bai wa rit! Nang gaw nye a asak hpe dai na e jahkrung da ya nga ndai majaw, ngai nang hpe galoi mung n machyi hkra shangun na ni ai. Ngai mahtang mana ni ai! Ndai zawn re ai hkrit hpa amu hpe ngai galaw shut kau ni ai!,” ngu nna htan wu ai.