1 SAMUELA 15:23 - Jinghpaw Common Language Bible 2009

²³ Shi hpe gumlau ai lam gaw hpyi shung shung ai zawn n kaja nga ai; myit tsaw myit dap rawng ai gaw hpara sumla hpe nawku ai htung lai zawn yubak lu nga ai. Dai Madu a hkang da ai ga hpe nang ningdang kau nit dai majaw shi mung nang hpe hkawhkam aya kaw nna jahkrat kau nu ai,” ngu nna htan wu ai.

Jinghpaw Hanson Version Bible

²³ n madat ai myit chyawm gaw, hpyi shung shung sha ai zawn, je hpre ai myit gaw, mandan lakle hte sumla nawku ai zawn, mara kaba nga ai. Nang Yehowa a ga kabai kau ndai majaw, Yehowa mung nang hpe hkawhkam aya hta na jahkrat nna, kabai kau nit dai,” ngu wu ai.

1 SAMUELA 15:23 ပူးပေါင်းရင်းမြစ်များ

NINGPAWT NINGHPANG 31:19

Ya Laban gaw sagu mun rep na nga, hkawm mat wa ai laman e, Rahkela gaw nta na gumgun gumhpai hpara sumla ni hpe lagu mat wa ya wu ai.

NINGPAWT NINGHPANG 31:34

Rahkela a sum de mung shang wu ai. Rahkela gaw dai hpara sumla ni hpe la nhtawm gawla-uk hking tingsan kata e bang da nna, de a ntsa e shi dung nga wu ai. Laban chyawm gaw sum ting hkan tam sawk yu wu ti mung, dai ni hpe n mu wu ai.

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

2 SAMUELA 7:15

Nang hkawhkam tai lu hkra, Shawlu a lata kaw na ngai seng kau ai zawn shi hpe karum madi shadaw ai lam ngai dawm kau ya na we ai n rai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

YOBA 34:37

Shi gaw yubak hta gumlau ai bai jat nna; anhte yawng a man e Karai Kasang hpe shi ashu kau nga ai.

SHAKAWN KUNGDAWN 107:11

Hpa majaw nga yang, shanhte gaw Chyahtum Chyalai n-gun rawng ai Karai Kasang a hkang da ai ga ni hpe gumlau kau nna; shi a sharin shaga ai ga matsun ni hpe mung n hkap la kau ai majaw rai nga ai.

PRU MAT 22:18

“Mandan chye galaw ai num kadai mung si lu na rai wu ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

YEREMIA 16:12

Rai ti mung, nang gaw na a nji nwa ni hta grau nna pyi n hkru ai amu galaw manit dai. Nanhte yawng hte gaw adu ja ai hte n hkru nga myit dai; nye a ga hpe mung n madat nga myit dai.

YEREMIA 28:16

Dai rai nna, nang gaw dai Madu hpe gumlau na matu amyu masha ni hpe tsun nit dai majaw, shi gaw nang hpe dawm kau na ra ai; dai ning na shaning garai n htum yang, nang si na ndai ngu nna dai Madu shi nan tsun sai,” ngu wu ai.

HOSEA 13:11

Nye a masin pawt bu ai hte nanhte hpe ngai hkawhkam jaw ni ai. nye a sindawng kahtet ai hte shanhte hpe ngai dawm la se ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

JAW JAU 20:27

“Si mat sai masha ni a wenyi hte ga shaga ai numsha lasha kadai mung nlung hte kabai sat kau ai hkrum na rai wu ai; dai zawn re ai amu galaw ai wa gaw shi a si hkrung si htan lam a matu lit lu nga wu ai.

JAW JAU 20:6

“Si mat sai ni a wenyi ni hte ga shaga hkrum ai masha ni hpang de hpaji sa hpyi na matu marai langai ngai sa ai rai yang, ngai shi hpe hpyen tai nna shi hpe nye a amyu masha ni hta na sumri dan kau na we ai.

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

KASA 13:22

Dai hpang Shawlu hpe jahkrat kau nhtawm, Karai Kasang gaw Dawi hpe shanhte a hkawhkam sharawt ya mu ai. Dai wa a lam Karai Kasang tsun ai gaw, ‘Yese a kasha Dawi gaw nye a myit hte tup hkrak ra sharawng ai masha, ngai galaw shangun mayu ai nga manga hpe galaw shadik ya na wa re ai hpe ngai mu se ai,’ nga ai.

2 KORINHTU 6:16

Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

TARA JAHPRANG 9:24

Nanhte hpe ngai chye ai aten kaw nna pyi dai Madu hpe gumlau nga manit dai.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

YAWSHU 22:15

Rubin, Gad hte sinpraw hkran na Manashe amyu bawsang ni nga ai Gilead mung de shanhte sa mat wa nhtawm,

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.

1 SAMUELA 13:14

Rai ti mung, ya chyawm gaw nang up hkang lu sana n rai nit dai. Nang shi a ga n madat kau nit dai majaw, dai Madu gaw shi yu sharawng ai masha hpe tam nna, shi a amyu masha ni hpe up hkang shangun na rai wu ai,” ngu nna htan wu ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.

1 SAMUELA 28:3

Samuela si mat sai rai nna, Israela amyu masha ni yawng shi a majaw sharung shayawt nga ma ai; shi nga ai Rama mare hta nan shi hpe makoi mayang da ma ai. Shawlu gaw gumhpan chye hpan ai ni hte nat num ni yawng hpe Israela mung kaw nna seng kau dat wu ai.