1 SAMUELA 15:20 - Jinghpaw Common Language Bible 2009

²⁰ Shawlu gaw, “Dai Madu a ga hpe ngai madat ni ai. Shi tsun ai hte maren, ngai sa nna Hkawhkam Agag hpe woi nhtang wa nna kaga Amalek masha ni yawng hpe sat kau da se ai.

Jinghpaw Hanson Version Bible

²⁰ Shawlu mung, “Yehowa a ga ngai teng teng madat ni ai; Yehowa ngai hpe shangun dat ai lam de ngai sa ni ai; Amalek hkawhkam Agag hpe ngai la wa nna, Amalek masha ni hpe atsai awai sat kau se ai.

1 SAMUELA 15:20 ပူးပေါင်းရင်းမြစ်များ

YOBA 33:9

“Ngai gaw mara kap nga nngai n rai; ngai gaw shut ai amu hpa mung n galaw kau hkrup nngai, ngai gaw mara n kap ai hte yubak kaw na lawt nga nngai.

YOBA 34:5

Yoba gaw mara n kap nga ai nga nna shi tsun ai majaw, teng man rap ra ai tara shi hpe jaw na matu Karai Kasang n hkraw nga ai.

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

MAHTE 19:20

Dai shabrang wa gaw, “Dai yawng mayawng hte hpe ngai naw kaji ai ten kaw nna pyi hkan shatup se ai; hpa mahtang ngai naw ra nga a ta?,” ngu nna shi hpe htan wu ai.

LUKA 10:29

Rai ti mung, dai tara sara wa gaw, shi a ding hpring ai lam shapraw dan mayu ai majaw, “Nye a htingbu wa gaw kadai wa rai na a ta?,” ngu nna Yesu hpe san wu ai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

1 SAMUELA 15:13

Samuela mung Shawlu nga ai de yu sa wu yang Shawlu gaw, “Samuela e, dai Madu gaw nang hpe shaman ya u ga! Dai Madu hkang da ai ga hpe ngai madat ni ai,” ngu tsun let shakram la wu ai.

1 SAMUELA 15:3

Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.

1 SAMUELA 15:8

shi gaw Amalek hkawhkam Agag hpe chyahkrung rim la lu wu ai; shi a masha ni yawng hpe chyawm gaw sat sharu kau ma ai.

1 SAMUELA 28:18

Nang mahtang dai Madu a hkang da ai ga hpe n madat ai sha, Amalek masha ni hte shanhte lu malu arai yawng hpe atsai awai n jahten shamyit kau nga ndai. Shing re ai lam a majaw ya ndai amu hpe dai Madu galaw nga ai.