1 SAMUELA 15:19 - Jinghpaw Common Language Bible 2009

¹⁹ Dai re ai mi, nang shi a ga hpa majaw n madat kau n ni? Hpa majaw lanep arai ni hpe rim magawn wa nna dai Madu n sharawng awng ai amu hpe galaw kau wu ni?,” ngu nna htan wu ai.

Jinghpaw Hanson Version Bible

¹⁹ Yehowa a ga n madat ai mi, masha hpyen ni a rai htawm wa nna, Yehowa man e n shawp ai amu shapraw ai gaw, hpa majaw rai ta?” ngu nna tsun wu ai.

1 SAMUELA 15:19 ပူးပေါင်းရင်းမြစ်များ

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

2 HKAWHKAM LABAU 33:2

Dai Madu gaw shi a amyu masha ni rawt lung wa ai shaloi shaden shapraw kau dat sai masha amyu baw ni hkan nga ai matsat shabat re ai arawn alai hta hkan let, Manashe gaw dai Madu hpe shut kau wu ai.

2 HKAWHKAM LABAU 33:6

Shi gaw shi a shadang sha ni hpe Hinom Kadit e wan nat hkungga shatai let nawng ya wu ai. Shi gaw shaba wawt ai, mandan lakle amu galaw nna gumhpan hpan ai ni hte san jahkrup ai amu, nat shung ai ni hte kanawn ai amu galaw nga ai. Shi gaw dai Madu hpe yubak kaba galaw shut ai hte pawt sindawng shangun wu ai.

2 HKAWHKAM LABAU 36:12

Shi mung dai Madu hpe shut hpyit kau nna dai Madu a mungga htawn tsun ai myihtoi Yeremia a ga hpe myit nem ai hte madat ai n rai.

GA SHAGAWP 15:27

Amyat hpe n ding n man ai hku, tam shakut ai rai yang, na a dinghku masha ni ru yak shoihpa hkrum hkra nga ai. Mayun kumhpa n la ai rai yang, nang asak galu na ra ai.

YEREMIA 7:11

Nye a Nawku Htingnu gaw hpya lu hpya sha ai damya ni a matu makoi shara rai nga ai ngu, nang myit nawn da wu ni? Nang hpa galaw nga ai hpe ngai mu se ai.

BU HKAWM 14:41

Rai ti mung Mawshe mahtang, “Dai rai yang nanhte hpa majaw dai Madu a ga hpe ya n madat nga myit ni? Nanhte awng dang lu na myit dai n rai!

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

1 SAMUELA 14:32

gumlau hpyen ni kaw na shanhte kashun la lu ai sagu hte dumsu kasha ni hpe dai shara hta nan sat tawn nhtawm shan hte asai katsing hprap hprap sha ma ai.

1 SAMUELA 15:20

Shawlu gaw, “Dai Madu a ga hpe ngai madat ni ai. Shi tsun ai hte maren, ngai sa nna Hkawhkam Agag hpe woi nhtang wa nna kaga Amalek masha ni yawng hpe sat kau da se ai.