1 SAMUELA 15:17 - Jinghpaw Common Language Bible 2009

¹⁷ Samuela gaw, “Na hkum nang ahkyak n rai nga ai ngu myit nawn la tim pyi, nang gaw Israela amyu bawsang ni a ningbaw wa rai nga ndai. Dai Madu mung nang hpe Israela hkawhkam shatai nhtawm namman jaw ya nit dai;

Jinghpaw Hanson Version Bible

¹⁷ Shaloi Samuela gaw, “Nang gaw, nang hkum dai pyi, kaji dum ai wa rai nga ninglen, Israela amyu ni a baw nang tai nit dai, n rai ni? Yehowa nang hpe Israela amyu ntsa e hkawhkam shatai na namman chya nit dai;

1 SAMUELA 15:17 ပူးပေါင်းရင်းမြစ်များ

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

MAHTE 18:4

Ndai ma kaji zawn tinang a myit shanem ai wa kadai rai ti mung sumsing lamu a Mungdan hta grau kaba ai wa tai na ra ai.

TARA AGYI 6:15

Gidon gaw, “Rai ti mung Madu e, ngai gaw Israela masha ni hpe kaning rai hkye mawai la lu na rai nga a ta? Nye a amyu lakung lama gaw Manashe amyu bawsang ni hta n-gun kya htum ai she rai nga ai, nye a dinghku hta mung ngai gaw hpa n tai htum ai wa rai nga nngai,” ngu nna htan wu ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 10:22

shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.

1 SAMUELA 15:16

Samuela gaw, “Naw hkring u; dai Madu ngai hpe mana e tsun ai ga, ngai nang hpe tsun dan na we ai,” ngu nna hkang da wu ai. Shawlu gaw, “Ngai hpe tsun dan e,” ngu nna tsun wu ai.

1 SAMUELA 9:21

Shawlu gaw, “Ngai gaw Israela hta kaji htum ai amyu bawsang rai nga ai Benyamin amyu bawsang na she rai nga nngai; nye a dinghku mung amyu bawsang hta ahkyak htum ai shara hta nga ai n rai nga ai. Dai rai yang, nang ngai hpe hpa majaw dai zawn nga tsun n ta?,” ngu nna htan wu ai.