1 SAMUELA 15:14 - Jinghpaw Common Language Bible 2009

¹⁴ Samuela chyawm gaw, “Ataw, dumsu nbaw ai nsen hte sagu ngoi ai nsen ni hpe she na nngai gaw, kaning re ai rai ta?,” ngu nna san wu ai.

Jinghpaw Hanson Version Bible

¹⁴ Samuela chyawm gaw, “Ataw, sagu ngoi ai nsen mi ana, dumsu nbaw ai nsen mi akra, kaning re ai rai ta?” ngu wu ai.

1 SAMUELA 15:14 ပူးပေါင်းရင်းမြစ်များ

SHAKAWN KUNGDAWN 36:2

Hpa majaw nga yang, shi gaw shi hkum shi grai rai la sai ngu nna myit la nga ai; Karai Kasang gaw shi a yubak hpe n mu tam ai hte dai hpe daw dan jeyang na n rai, nga nna shi myit nawn la nga ai.

PRU MAT 32:21

Shi gaw Arun hpe, “Nang shanhte hpe ndai daram hkrit tsang ra ai yubak galaw shapraw shangun na gaw, dai amyu masha ni nang hpe kaning di kau ma ta?,” ngu nna san wu ai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

1 SAMUELA 15:15

Shawlu gaw, “Nye a masha ni she dai ni hpe Amalek masha ni kaw na la wa ma ai. Dai Madu na a Karai Kasang hpe shagu hkungga nawng ya na nga, kaja htum ai sagu dumsu ni hpe shanhte kyem da nna, kaga gale ni hpe chyawm gaw tsep kawp anhte jahten shaza kau saga ai,” ngu nna htan wu ai.