1 SAMUELA 15:13 - Jinghpaw Common Language Bible 2009

¹³ Samuela mung Shawlu nga ai de yu sa wu yang Shawlu gaw, “Samuela e, dai Madu gaw nang hpe shaman ya u ga! Dai Madu hkang da ai ga hpe ngai madat ni ai,” ngu tsun let shakram la wu ai.

Jinghpaw Hanson Version Bible

¹³ Dai rai nna Samuela Shawlu nga ai de hkan nang sa wa ai: Shawlu mung, “Yehowa nang hpe shaman ya u ga; Yehowa hkang dat ai ga ngai shatup se ai, “ngu wu ai.

1 SAMUELA 15:13 ပူးပေါင်းရင်းမြစ်များ

NINGPAWT NINGHPANG 14:19

shi hpe shaman ya let, “Sumsing lamu hte ginding aga hpe hpan da ai dai Tsaw Htum ai Karai Kasang gaw Abram hpe shaman ya u ga!

NINGPAWT NINGHPANG 3:12

Shinggyim lasha gaw, “Ndai shara e ngai hte rau nga na matu nang ap ya ai numsha gaw ngai hpe namsi jaw nna dai hpe ngai sha kau ni ai,” ngu nna htan wu ai.

2 SAMUELA 2:5

masha nkau mi hpe ndai mungga hte hpawn shangun dat wu ai: “Nanhte gaw shi hpe makoi mayang galaw let nanhte a hkawhkam wa hta sadi dung nga myit dai hpe madun dan nga manit dai majaw, dai Madu nanhte hpe shaman ya nga u ga law.

GA SHAGAWP 27:2

Na a n-gup hte nang nan hpe hkum shakawn, masha ni shakawn mu ga, na a nten hte nang nan hpe hkum shagrau tsasam ni shagrau mu ga.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

GA SHAGAWP 31:31

Shi galaw ai amu yawng mayawng a manu jahpu hpe matsing ya u; masha shagu shi hpe hkungga lara na mai kaja nga ai.

LUKA 17:10

Dai hte maren, nanhte mung, galaw na matu tsun matsun yawng hkan shatup galaw ngut jang she, anhte gaw yu maya shangun ma ni sha rai nga ga ai; anhte gaw galaw ra ai lit hpe sha galaw shatup saga ai, ngu mu,” ngu nna tsun mu ai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

TARA AGYI 17:2

Shi gaw shi a kanu hpe, “Marai langai ngai nang kaw na gumhpraw hkying mi latsa lagu la kau ya ai shaloi, dai lagut wa hpe nang matsa kau nga ndai. Nang dai hku galaw ai hpe ngai na nngai. Yu u, dai gumhpraw ngai lu nngai. Dai hpe la ai wa gaw ngai rai nga nngai,” ngu nna tsun wu ai. Shaloi shi a kanu gaw, “Ngai sha e, dai Madu gaw nang hpe shaman ya u ga law!,” ngu nna tsun wu ai.

RUHTA 3:10

Shi gaw, “Dai Madu gaw nang hpe shaman ya u ga. Na a kamoi hpe nang galaw daw ai hta, dinghku sadi dung ai lam grau kaba nga ai hpe nang madun dan nga ndai. Matsan, lu su n nga, shabrang kadai hpe mung nang mai tam nga tim nang kadai hpe mung n myit ndai.

1 SAMUELA 13:10

dai hkungga nawng ya ngut jang she, Samuela du sa wa nga ai. Shawlu mung shi hpe tau la na nga pru sa nhtawm hkap hkalum la wu ai;

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.

1 SAMUELA 15:20

Shawlu gaw, “Dai Madu a ga hpe ngai madat ni ai. Shi tsun ai hte maren, ngai sa nna Hkawhkam Agag hpe woi nhtang wa nna kaga Amalek masha ni yawng hpe sat kau da se ai.

1 SAMUELA 15:9

Rai ti mung, Shawlu hte shi a masha ni gaw Agag a asak hte hpawn kaja htum ai sagu, dumsu, grau kaja htum ai dumsu ni, sagu kasha ni hte kaja ai arai hpa hpe mung n shaza kau ai sha jahkrung da ma ai; asung n shang ai hte manu n dan ai arai ni hpe chyu sha jahten shaza kau ma ai.

1 SAMUELA 23:21

Shawlu gaw, “Nanhte ngai hpe matsan dum manit dai majaw, dai Madu gaw nanhte hpe shaman ya nga u ga law!

1 SAMUELA 25:14

Nabala a shangun ma langai mi gaw shi a madu jan Abigala hpe, “Dawi gaw anhte a Madu hpe hkap shachyen na nga, nam mali de na kasa nkau mi hpe shangun dat ai lam nang na nu ni? Rai ti mung shi chyawm gaw shanhte hpe n kaw n law hkap di kau dat wu ai.