1 SAMUELA 15:11 - Jinghpaw Common Language Bible 2009

¹¹ “Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.

Jinghpaw Hanson Version Bible

¹¹ shi myit yit mat wa nna nye a hpang n hkan ai hte ngai hkang da ai ga n shatup nu ai,” ngu wu ai.

1 SAMUELA 15:11 ပူးပေါင်းရင်းမြစ်များ

NINGPAWT NINGHPANG 6:6

shi shanhte hpe hpan da nna ginding aga ntsa e shanu nga shangun ai hpe shi a kraw lawang e yawn nga ai.

NINGPAWT NINGHPANG 6:7

Shi grai wa myit malai lu ai hte, “Ngai hpan da sai ndai shinggyim masha ni hpe mung, dusat yam nga hte ntsa malen u ni hpe mung atsai awai di kau na nngai; hpa majaw nga yang, dai ni hpe ngai hpan da ai majaw ngai myit yawn nga nngai,” ngu nna tsun wu ai.

2 SAMUELA 24:16

Dai Madu a lamu kasa gaw Yerusalem mare hpe jahten hkyen nga yang, amyu masha ni hpe ari jaw ai majaw dai Madu myit galai mat nhtawm shanhte hpe sat nga ai lamu kasa hpe, “Hkring sanu! Ram sai!,” ngu nna tsun wu ai. Shaloi dai lamu kasa gaw Yebusi masha Arauna a mam chyarang makau e nga nga ai.

1 HKAWHKAM 11:9

Dai Madu Israela a Karai Kasang gaw Shawlumon hpang de lahkawng lang dan pru nna maigan karai ni hpe n nawku na matu shi hpe hkang da tim, dai Madu a ga hpe Shawlumon n madat ya ai hta sha n-ga, shi kaw na myi man kayin mat wa wu ai. Dai rai nna dai Madu gaw Shawlumon hpe pawt wu ai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

1 HKAWHKAM LABAU 21:15

Dai hpang Yerusalem mare hpe jahten kau na matu lamu kasa langai hpe shi shangun dat wu ai; rai ti mung shi a myit galai mat nhtawm dai lamu kasa hpe, “Hkring sanu! Ram sai!,” ngu nna tsun wu ai. Shaloi dai lamu kasa gaw Yebusi masha Arauna a mam chyarang makau e tsap nga ai.

YOBA 34:27

hpa majaw nga yang shanhte gaw shi a hpang n hkan ai hte shi a hkang da ai ga yawng hpe hpa zawn n nawn ya mu ai.

SHAKAWN KUNGDAWN 109:4

Ngai shanhte hpe tsaw ra ai hte shanhte a matu akyu hpyi ya tim pyi, shanhte ngai hpe ninghkap nga ma ai.

SHAKAWN KUNGDAWN 110:4

“Nang gaw Melhkizedek a hkringhtawng lam hta na htani htana hte seng ai hkinjawng tai na rin dai,” nga nna Madu dagam da ai ga sadi rai nhtawm, dai ga sadi hpe bai nhtang dawm la kau na n rai.

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

SHAKAWN KUNGDAWN 36:3

Shi a tsun shaga ai ga gaw n hkru n shawp ai hte masu magaw ga ni hte hpring nga ai; hpaji rawng ai lam hte mai kaja ai lam hpe shi kachyi mi mung n galaw nga ai.

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

SHAKAWN KUNGDAWN 78:57

Shanhte a kaji kawa ni zawn, sadi n dung ai sha gumlau ai ni rai nga ma ai; magaw ai ndan pala zawn, n mai kam ai ni rai ma ai.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

PRU MAT 32:14

Dai re ai majaw dai Madu gaw shi a myit hpe galai kau nna, shi a amyu masha ni hpe jahkrit shama na ngu ai ru yak tsin-yam tsindam hpe dawm kau ya wu ai.

YEREMIA 11:10

Shanhte gaw ngai tsun ai ga hkan galaw na matu ningdang kau nga ai shanhte a kaji kawa ni a yubak lam de nhtang mat wa masai; shanhte gaw kaga karai ni hpe nawku mat masai. Israela hte Yuda yan gaw shanhte a kaji kawa ni hte ngai galaw tawn da sai ga shaka hpe jahten kau manu ai.

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 34:16

Rai ti mung, nang gaw na a myit hpe galai shai kau nhtawm ngai hpe n kaw n law di kau nit dai. Nanhte yawng hte gaw mayam num mayam la ni hpe shanhte myit ra sharawng ai hte maren, nang dat dat kau sai rai tim, bai woi la nna shanhte hpe kalang mi bai atik anang mayam shatai da nit dai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

YEREMIA 9:18

Amyu masha ni gaw, “Anhte a myi ni hta myi prwi ni hpring wa ai hte hkrap agru ai majaw anhte a myi hpyi ni madi mat ai aten du hkra, anhte a matu makoi mayang mahkawn mangoi mahkawn hpe alawan sa mahkawn na matu shanhte hpe tsun mu,” ngu nna tsun mu ai.

EZEKELA 18:24

“Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

AMO LAIKA (AMOS) 7:3

Dai Madu gaw shi a myit galai mat nna, “Nang mu ai lam gaw byin wa lu na ra ai n rai,” ngu nna tsun wu ai.

YONA 3:10

Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

YONA 4:2

Dai rai nna shi gaw, “Madu e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

ZEHPANI 1:6

Ngai kaw nna kayin mat wa ai ni hte ngai kaw sa du nna hkan nang na loi mi mung n myit ai ni hte shanhte hpe lam woi na matu ngai hpe hpyi lajin ai lam n nga ai ni hpe ngai jahtum kau na mawe ai,” nga nna tsun nga ai.

MAHTE 24:13

Rai ti mung jahtum du hkra shakut sharang ai wa gaw hkye hkrang la ai hkrum na ra ai.

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.

YAWSHU 22:16

dai Madu a shawa hpung ting a matu ngu nna shanhte gaw shanhte hpe, “Israela a Karai Kasang hpe ndai zawn re ai n hkru ai amu hpa majaw galaw kau myit ni? Nanhte a matu ndai tawn hkungri hpe gaw nna, dai Madu hpe nanhte gumlau kau nga myit hka i! Nanhte gaw shi a hpang loi mi mung n hkan nga myit hka!

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.

1 SAMUELA 13:13

Samuela gaw, “Dai gaw angawk ai bungli rai nga sai. Dai Madu na a Karai Kasang nang hpe jaw ai hkang da ai ga hpe n hkan nit hka. Nang lama madat mara nna hkan sa taw gaw, nang hpe mung, na a matu mara ni hpe mung Israela mung hpe htani htana up shangun na rai wu ai.

1 SAMUELA 15:10

Dai Madu gaw Samuela hpe,

1 SAMUELA 15:3

Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.

1 SAMUELA 15:35

Samuela hkrung nga dingsa, shi gaw hkawhkam wa hpe galoi mung n mu nu ai; rai ti mung, shi gaw Shawlu a majaw myit yawn nga ai. Dai Madu mung Shawlu hpe Israela hkawhkam shatai kau wu ai majaw yawn nga ai.

1 SAMUELA 15:9

Rai ti mung, Shawlu hte shi a masha ni gaw Agag a asak hte hpawn kaja htum ai sagu, dumsu, grau kaja htum ai dumsu ni, sagu kasha ni hte kaja ai arai hpa hpe mung n shaza kau ai sha jahkrung da ma ai; asung n shang ai hte manu n dan ai arai ni hpe chyu sha jahten shaza kau ma ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 8:6

Hkawhkam langai ra ga ai nga nna shanhte hpyi ai ga hpe Samuela n ra sharawng wu ai majaw dai Madu kaw shi akyu hpyi wu ai,