1 SAMUELA 15:1 - Jinghpaw Common Language Bible 2009

¹ Samuela gaw Shawlu hpe, “Ngai gaw shi a Israela amyu masha ni a hkawhkam tai na, nang hpe namman jaw ya na matu dai Madu shangun dat ai wa rai nga nngai. Dai rai nna, Chyahtum Chyalai N-gun rawng ai dai Madu kaning nga tsun ai ga hpe ya madat u.

Jinghpaw Hanson Version Bible

¹ Shaloi Samuela gaw Shawlu hpe, “Yehowa amyu Israela hpe up na matu, nang hpe namman chya su, nga nna Yehowa ngai hpe shangun ni ai: dai re ai majaw, Yehowa tsun ai ga ya madat u.

1 SAMUELA 15:1 ပူးပေါင်းရင်းမြစ်များ

2 HKAWHKAM 7:1

Elisha mahtang, “Dai Madu tsun ai ga hpe madat mu! Hpawt de ndai aten hta nan Samari mare e hkaulan mam jet htum ai pawng shi hte muk-yaw mam pawng hkun hpe lap mi hte mari la lu na rai myit dai,” ngu nna htan wu ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 12:14

Nanhte mung nanhte a hkawhkam mung shi a hpang hkan nhtawm dai Madu nanhte a Karai Kasang hpe daw jau let, shi a ga madat nhtawm shi a hkang da ai ga ni hpe madat mara hkan sa nna shi hpe shagrau sha-a myit dai rai yang, nanhte gaw lam shagu hta ngamu ngamai wa na rai myit dai.

1 SAMUELA 13:13

Samuela gaw, “Dai gaw angawk ai bungli rai nga sai. Dai Madu na a Karai Kasang nang hpe jaw ai hkang da ai ga hpe n hkan nit hka. Nang lama madat mara nna hkan sa taw gaw, nang hpe mung, na a matu mara ni hpe mung Israela mung hpe htani htana up shangun na rai wu ai.

1 SAMUELA 9:15

Ya, Shawlu garai n du ai shawng shani sha, dai Madu gaw Samuela hpe,

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.