1 SAMUELA 14:7 - Jinghpaw Common Language Bible 2009

⁷ Dai shabrang wa gaw, “Nang ra ai hku galaw u, ngai nang hte rau nga nga na nngai,” ngu nna htan wu ai.

Jinghpaw Hanson Version Bible

⁷ Shi a ri nhtu lang ai wa mung, “Nang ra ai hte maren galaw u; she sa wa u; nang ra ai hku ngai mung hkan na nngai,” ngu wu ai.

1 SAMUELA 14:7 ပူးပေါင်းရင်းမြစ်များ

2 SAMUELA 15:15

Shanhte mung, “Mai sa law, madu hkawhkam e, nang tsun matsun ai hte maren anhte hkan galaw na jin jin rai nga saga ai,” ngu nna htan ma ai.

2 SAMUELA 7:3

Nahtan gaw, “Dai Madu nang hte rau rai nga ai majaw nang myit lu ai hte maren galaw u,” ngu nna htan wu ai.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

TARA AGYI 9:54

Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

1 SAMUELA 10:7

Ndai amu ni byin jang, Karai Kasang nang hpe woi galaw ai lam hpa mi rai tim hkan galaw nga u.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.

1 SAMUELA 14:8

Yonahtan gaw, “Ara rai sa, wora de rap sa nhtawm Hpilisti masha ni hpe mu shangun ga.