1 SAMUELA 14:6 - Jinghpaw Common Language Bible 20096 Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai. အခန်းကိုကြည့်ပါ။Jinghpaw Hanson Version Bible6 Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai. အခန်းကိုကြည့်ပါ။ |
1 SAMUELA 14:6
31 ပူးပေါင်းရင်းမြစ်များ
Asuri hkawseng gaw ahkrung nga ai Karai Kasang hpe shatan nhkan galaw na nga, shi a du ningbaw wa hpe shangun dat nu ai. Dai Madu na a Karai Kasang gaw dai shatan nhkan ga ni hpe na ya nna shing ngu tsun shatan ai ni hpe ari jaw u ga law. Dai re ai majaw naw hkrung nga ai anhte a amyu masha ni a matu Karai Kasang kaw akyu hpyi ya mi.”
Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.
Dai Madu gaw, “Egutu, Yuda, Edom, Amon, Moba masha ni hte kara kadun daw nna zaibru jang e nga ai masha ni hpe ngai ari jaw na aten du wa ra ai. Ndai amyu masha ni yawng hte wa matu gadoi nga ma ti mung, dai hpe masat dingsat galaw ai ga shaka hpe n kam ma ai. Ndai amyu masha ni hte Israela amyu masha ni langai mi mung nye a ga shaka hpe n hkan nga ma ai,” ngu nna tsun ai.
Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.
Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.
Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.
Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.
Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;
Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.
ကြော်ငြာတွေ