1 SAMUELA 14:42 - Jinghpaw Common Language Bible 2009

⁴² Dai hpang Shawlu gaw, “Nye a kasha Yonahtan hte nye a lapran daw dan hparan ya e,” ngu nna tsun wu yang, dai gaw Yonahtan hta wa ang nga ai.

Jinghpaw Hanson Version Bible

⁴² Bai Shawlu gaw, “Ngai hte ngai sha Yonahtan lapran bai lata yu mi,” ngu wu yang, Yonahtan hta ang wa ai.

1 SAMUELA 14:42 ပူးပေါင်းရင်းမြစ်များ

GA SHAGAWP 16:33

Masha ni gaw Karai Kasang a myit ra ai lam hpe sharin la na matu hpaida da nga ma ti mung; Karai Kasang shi nan dai mahtai hpe daw dan ya nga ai.

GA SHAGAWP 18:18

N-gun rawng ai masha marai lahkawng, tara rung e shada da nhtan shai hkat yang, hpaida da ai hku nna mahtai tam shazim ya lu nga ai.

YONA 1:7

Sanghpaw masha ni gaw shanhte shada da, “Anhte hpe ndai tsin-yam tsindam hkrum shangun ai wa gaw kadai rai nga ai hpe mara shagun lu na matu hpaida da nna tam yu ga,” nga nna tsun hkat ma ai. Shanhte dai hku galaw ma yang, Yona hta ang wa nga sai.

YAWSHU 7:18

Dai hpang Zabdi a dinghku hpe lasha langai hte langai shawng de woi sit wu yang, Zabdi a kashu, Hkarmi a kasha Ahkan mahtang lata shaw la hkrum nga ai.

1 SAMUELA 14:41

Shawlu gaw dai Madu Israela a Karai Kasang hpe, “Madu e, nang hpa majaw ngai hpe dai ni e n htan ya nga n ni? Dai Madu Israela a Karai Kasang e, chyoi pra ai nlung hku nna ngai hpe mahtai jaw e law. Yonahtan shing n rai nye a majaw shut hpyit mara nga ai rai yang, Urim maga madun ai hte mahtai jaw ya e; rai ti mung na amyu masha Israela hta ang wa ai rai yang Htumim maga pru nna mahtai madun e law,” ngu nna tsun wu ai. Dai mahtai gaw Yonahtan hte Shawlu hta madun dan nga sai majaw, amyu masha ni asan awan sha lawt mat ma ai.

1 SAMUELA 14:43

Dai hpang, Shawlu gaw Yonahtan hpe, “Nang hpa galaw shut kau n ta?,” ngu nna san wu ai. Yonahtan mung, “Ngai lang ai shingna hte achyaw la nna lagat ntsin kachyi mi hpe sha kau ni ai. Ngai nang e nga nga nngai-si na matu jin jin rai nga nngai,” ngu nna htan wu ai.