1 SAMUELA 14:27 - Jinghpaw Common Language Bible 2009

²⁷ Rai ti mung, masha ni hpe shi a kawa tsun jahkrit da ai dagam dala ga hpe Yonahtan n na kau wu ai majaw, shi lang ai shingna hpe ladawn nna gitpa kata de achyaw bang dat nhtawm lagat ntsin loi mi hpe sha wu ai. Shaloi shi lang lata n-gun awai la lu wu ai.

Jinghpaw Hanson Version Bible

²⁷ Yonahtan chyawm gaw, kawa masha ni hpe dagam tawn ai ga n na wu ai majaw, shi lang ai ri hte gitpa hta galun shakap la nhtawm, shi a lata hte mayut sha wu ai rai nna, shi a myi san wa lu ai.

1 SAMUELA 14:27 ပူးပေါင်းရင်းမြစ်များ

GA SHAGAWP 24:13

Sha e, lagat ntsin dai kaja nga ai majaw lu u. Gitbaw kaw nna kapya hkrat wa ai lagat ntsin gaw shinglet hta dwi nga ai.

GA SHAGAWP 25:26

Mai kaja ai masha n hkru ai wa a myit ra hkan ya ai gaw, n san seng ai hka hpawk hte gung rawng ai hka htung hpe myit dum shangun nga ai.

1 SAMUELA 14:28

Rai ti mung, masha langai mi gaw, “Anhte yawng kawsi hpang gara hkrum nna n-gun kya nga saga ai, rai ti mung na nwa mahtang anhte hpe, ‘Dai ni na nhtoi hta, lusha sha ai wa kadai mung dagam dala hkrum u ga,’ ngu mi ai,” ngu nna tsun ma ai.

1 SAMUELA 14:29

Shaloi, Yonahtan gaw, “Nye wa gaw anhte a amyu masha ni hpe hkrit hpa amu she galaw kau nu sahka! Yu mu, lagat ntsin kachyi sha mi hpe ngai sha ai a majaw, ya ngai kade sha nga pyaw nga n hka!

1 SAMUELA 14:43

Dai hpang, Shawlu gaw Yonahtan hpe, “Nang hpa galaw shut kau n ta?,” ngu nna san wu ai. Yonahtan mung, “Ngai lang ai shingna hte achyaw la nna lagat ntsin kachyi mi hpe sha kau ni ai. Ngai nang e nga nga nngai-si na matu jin jin rai nga nngai,” ngu nna htan wu ai.

1 SAMUELA 30:12

maihpang si jahkraw loi mi, sabyi si sumbaw lahkawng mung jaw ma ai. Shi sha ngut jang, n-gun bai rawng wa nga lu ai; shi gaw masum ya tup hpa mung n lu n sha ai sha, nga shalai kau nga ai.