1 SAMUELA 14:25 - Jinghpaw Common Language Bible 2009

²⁵ Shanhte yawng gaw hpun maling de shang hkawm mu yang, shara shagu hkan lagat ntsin rawng nga ai hpe sa mu ma ai.

Jinghpaw Hanson Version Bible

²⁵ Masha ni nlang nam maling de du nna, ga de lagat jahku jawng nga ai.

1 SAMUELA 14:25 ပူးပေါင်းရင်းမြစ်များ

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

GA SHAGAWP 25:16

Nang ra ai hta jan nna, lagat ntsin hpe galoi mung hkum lu et; lu lai ai gaw nang hpe madawn shangun chye nga ai.

BU HKAWM 13:27

Shanhte gaw Mawshe hpe, “Anhte dai mungdan hpe hkan yu maram yu saga ai; dai mungdan gaw kaja wa ngamu ngamai ai sut hte ningru ningja ai ga rai nga ai hpe mu da saga ai. Yu mu, ndai namsi nkau mi gaw dai mung na rai nga ai.

TARA JAHPRANG 9:28

Dai n rai yang, nang shanhte hpe ga sadi jaw da sai mungdan de na a amyu masha ni hpe n lu woi wa nu hka, nga nna Egutu masha ni tsun na rai ma ai. Nang shanhte hpe n dawng ai majaw shanhte hpe sat kau na nga, na a amyu masha ni hpe nam mali kata de woi bang mat wa nu hka, nga nna shanhte a tsun shara tai na ra ai.

TARA AGYI 14:9

Shaloi shi gaw lagat ntsin hpe shi a lata hta ahkut la nhtawm shi sa wa ai lam dingyang dai hpe sha wu ai. Dai hpang shi gaw kanu yan kawa hpang de sa wa nhtawm shan hpe nkau mi jaw wu ai. Shan dai hpe sha ma ti mung, hkanghkyi a si mang kaw na la wa ya ai lam shan hpe Samson n tsun dan wu ai.

1 SAMUELA 14:24

“Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.

1 SAMUELA 14:26

Shawlu a dagam dala ga hpe shanhte yawng hkrit nga ma ai majaw, hpun ni hta lagat ntsin hpring hkra rawng nga ti mung, dai hpe kadai mung n sha lu ma ai.