1 SAMUELA 14:24 - Jinghpaw Common Language Bible 2009

²⁴ “Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.

Jinghpaw Hanson Version Bible

²⁴ Dai shani e Israela masha ni tsin-yam grai hkrum ma ai: kaning ai nme law, Shawlu mahtang, “Ngai nye a hpyen ni hpe masin si hkra di lu na matu, jan garai n du yang, lusha sha ai wa gaw dagam dala hkrum u ga,” ngu nna masha ni hpe dagam shalawm kau wu ai majaw, kadai mung hpa n sha lu ma ai.

1 SAMUELA 14:24 ပူးပေါင်းရင်းမြစ်များ

SHAKAWN KUNGDAWN 18:47

Shi gaw nye a gumlau hpyen ni a ntsa e, dang lu na awng padang ngai hpe jaw ya nga ai; nye a npu e, amyu baw ni hpe shi ap ya ni ai

GA SHAGAWP 11:9

Karai kata masha ni a tsun shaga ai ga hte nanhte hten run lu nga myit ti mung; ding hpring ai wa a hpaji byeng-ya gaw nanhte hpe hkrang shaw la lu nga ai.

JAW JAU 27:29

Masha nan rai ti mung tsep kawp san da sai gaw mari hkrang la mai ai n rai; shi gaw sat kau ai hkrum na rai wu ai.

JAW JAU 5:4

Masha langai ngai gaw hpa n ra ai nga nna n myit yu ai sha, dagam ai hte ga shaka da kau ai hpang, shi hpa galaw kau hkrup sai lam hpe shaloi jang chye na wa ai rai yang, shi mara lu nga ai.

BU HKAWM 21:2

Dai hpang Israela amyu masha ni dai Madu hpe, “Ndai masha ni hpe dang shangun mi ai rai yang, shanhte hte shanhte a mare ni hpe nang Madu kaw ap ya nna, la hpa shara n nga mat hkra akrin atsai jahten kau na ga ai,” ngu nna dagam ma ai.

BU HKAWM 5:21

na a amyu masha ni a ka-ang e na a mying hpe dai Madu dagam dala hkrum shangun nga u ga. Na a num hkrang hpe kyip htun shangun nna na a kan hpe mung bum shangun u ga.

ROMA 10:2

Hpa majaw nga yang, shanhte gaw Karai Kasang hta grai myit maju jung ai ni rai nga ma ai hpe ngai sakse hkam nga lu nngai. Rai ti mung shanhte a myit maju jung ai lam gaw teng man ai machye machyang hte n rai nga ma lu ai.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

YAWSHU 6:26

Dai aten hta sadi jaw ai dagam ga Yawshu tsun shapraw dat wu ai: “Yerihko mare hpe bai gaw gap na matu shakut ai wa kadai mung dai Madu a man e dagam dala hkrum nga u ga. Npawt nhpang gaw ai wa kadai mung shi a shadang sha alat mat mat na ra ai; Mare chyinghka gaw ai wa kadai mung shi a kasha hpungdim mat mat na ra ai.”

TARA AGYI 1:28

Israela masha ni n-gun ja wa ai shaloi, shanhte a matu nga nna Hkanani masha ni hpe amu galaw shangun ma ai rai nna, shanhte yawng hpe ya du hkra atsai awai n gawt shapraw kau ma ai.

TARA AGYI 5:2

Dai Madu hpe shakawn mu! Israela ni gaw gasat na matu daw dan nga masai; amyu masha ni kabu gara ai hte tinang myit hku shang lawm nga ma ai.

1 SAMUELA 14:25

Shanhte yawng gaw hpun maling de shang hkawm mu yang, shara shagu hkan lagat ntsin rawng nga ai hpe sa mu ma ai.

1 SAMUELA 14:39

Nye a kasha Yonahtan hta ang wa tim, mara shut ai wa gaw sat kau ai hkrum na rai nga ai, ngu nna Israela hpe awng padang jaw ya ai dai ahkrung nga ai dai Madu hta ngai ga sadi tawn da nngai,” ngu nna tsun wu ai. Rai ti mung, dai hpe kadai mung n tsun gwi ma ai.

1 SAMUELA 18:25

Shawlu gaw Dawi hpe ning ngu tsun na matu shanhte hpe hkang dat wu ai: “Hkawhkam wa nang kaw na ra sharawng ai lam yawng gaw shi a gumlau hpyen ni hpe matai htang la lu hkra, si mat sai Hpilisti masha ni a hpyi matu latsa hpu ja bang ai hku sawn la ya na ra ai da.” (Ndai mung Hpilisti masha ni a lata hta Dawi sat kau ai hkrum u ga, ngu Shawlu maw mawn ai lam rai nga ai.)