1 SAMUELA 14:20 - Jinghpaw Common Language Bible 2009

²⁰ Dai hpang, shi hte shi a masha ni mung Hpilisti masha ni hpe htim gasat na nga, majan pa de rawt lung wa ma yang, shanhte shada da gasat hkat nna tsep kawp ashuk ashak rai jawng nga ma ai.

Jinghpaw Hanson Version Bible

²⁰ nga nna tsun ai lata, Shi hte shi a masha ni nlang, shada da ginrawn la nna, hpyen de htim sa wa ma ai: shanhte du jang, Hpilisti masha ni gaw shada da kahtam hkat nna, grai bra mat masai.

1 SAMUELA 14:20 ပူးပေါင်းရင်းမြစ်များ

1 HKAWHKAM 20:21

Hkawhkam Ahab gaw pa de pru sa wa nhtawm gumra ni hte hpyen leng jawn ai ni hpe dang kau ai rai nna Suri masha ni hpe nhtum nni di kau wu ai.

2 HKAWHKAM LABAU 20:23

Amon hte Moba masha ni gaw Edom hpyen luksuk hpe tsep kawp gasat shamyit kau ma ai; dai hpang shan shada da grai laja ai hku gasat ma ai.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

EZEKELA 38:21

Ngai gaw dai zawn re ai ru yak tsin-yam tsindam yawng hte Goga hpe jahkrit na nngai. Tsaw Htum ai dai Madu ngai nan tsun ni ai. Shi a masha ni gaw shanhte a nhtu ni hte shada da kayin kahtam hkat na mara ai.

TARA AGYI 7:22

Gidon a masha ni pahtau dum dat ma ai shaloi, dai Madu gaw dai dap na hpyen laba nlang hte hpe shada da a lapran nhtu hte kahtam si shangun wu ai majaw Zarehtan shara na Bet Shita mare hte Tabat makau na Abela Mehola de du hkra hprawng htaw mat wa ma ai.

1 SAMUELA 14:16

Shawlu a masha ni gaw Benyamin a lamu ga na Gibea shara hta sin yu nga ma yang, Hpilisti masha ni dumbri dumbra, kashuk kashak rai hprawng kagat hkawm nga ma ai hpe mu ma ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.