1 SAMUELA 14:17 - Jinghpaw Common Language Bible 2009

¹⁷ Dai rai nna, Shawlu gaw shi a masha ni hpe, “Hpyenla ni hpe hti yu mu, kadai wa mat nga ai hpe mung sagawn yu mu,” ngu nna tsun wu ai. Shanhte hti yu mu yang, Yonahtan hte shi a hpyen laknak arai hpai ya ai shabrang wa mat mat nga ma ai hpe mu sagawn nga ma ai.

Jinghpaw Hanson Version Bible

¹⁷ Shaloi Shawlu gaw, “Kadai pru mat ai chye lu hkra, masha ni hpe hti yu mu,” ngu nna shi hte rau nga ai ni hpe tsun wu ai. Shing rai hti yu mu yang, Yonahtan hte shi a ri nhtu gun ai wa n nga sai.

1 SAMUELA 14:17 ပူးပေါင်းရင်းမြစ်များ

TARA AGYI 9:54

Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

1 SAMUELA 14:16

Shawlu a masha ni gaw Benyamin a lamu ga na Gibea shara hta sin yu nga ma yang, Hpilisti masha ni dumbri dumbra, kashuk kashak rai hprawng kagat hkawm nga ma ai hpe mu ma ai.

1 SAMUELA 14:18

Shawlu gaw hkinjawng Ahiya hpe, “Dai hkinjawng hpa hkai lawng ndai de la wa rit,” ngu nna tsun wu ai. (Dai shani e Ahiya gaw Israela amyu masha ni a shawng e dai hpe hpai da nga ai.)