1 SAMUELA 14:14 - Jinghpaw Common Language Bible 2009

¹⁴ Yonahtan hte shi a shabrang wa gaw shawng na lang sat sharu ai hta eka mi a ka-ang hkup daram kaba ai shara hta masha hkun dang hpe sat kau ma ai.

Jinghpaw Hanson Version Bible

¹⁴ Shing rai, Yonahtan yan shi a ri nhtu gun ai wa e shawng gasat htim ai hta, sat lu ai ngu na, usu gap mi hte lani mi galau ai ngut ai yi ngam a ka-ang hkup daram dam ai shara hta marai hkun dang si ma ai.

1 SAMUELA 14:14 ပူးပေါင်းရင်းမြစ်များ

2 SAMUELA 17:9

Shi gaw ya e pyi lungpu hku langai mi hta shing n rai kaga shara langai ngai hta makoi gyem yang gyem nga na sai. Dawi gaw na a masha ni hpe htim gasat dat ai shaloi jang dai shiga na ai ni kadai mung na a masha ni sum kadawng mat masai,” nga nna tsun pru wa na mara ai.

TARA AGYI 15:15

Dai hpang mi sha si mat sai lawze langai a shakap nra hpe shi mu hkrup wu ai. Shi gaw dai hpe gum let hta la nhtawm masha hkying mi hpe dai hte sat kau wu ai.

TARA AGYI 9:54

Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

1 SAMUELA 14:13

Yonahtan gaw uhkan shara kaw nna gumrawt lung wa wu ai; shi a shabrang wa mung shi kaw hkan nang nga ai. Yonahtan gaw Hpilisti masha ni hpe htim gasat nna anut kadawng kau wu ai; shabrang wa mung shanhte hpe hkan sat kau wu ai.

1 SAMUELA 14:15

Bum ga hkan nga ai Hpilisti masha ni yawng mung hkrit kajawng mat ma ai; dap e nga ai shang gasat na hpyenla ni mung hkrit gari mat ma ai; ginding aga she ashun rai grai hkrit kajawng nga ma ai.