1 SAMUELA 14:12 - Jinghpaw Common Language Bible 2009

¹² Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.

Jinghpaw Hanson Version Bible

¹² Dai hpyen dap masha ni mung, “Du marit, lama mi madun made ga,” nga nna Yonahtan yan shi a ri nhtu gun ai wa hpe tsun mu ai. Shaloi Yonahtan gaw, “nye hpang e hkan rit, Yehowa shanhte hpe Israela masha ni a lata de ap kau nu ai,” ngu nna shi a ri nhtu gun ai wa hpe tsun wu ai.

1 SAMUELA 14:12 ပူးပေါင်းရင်းမြစ်များ

NINGPAWT NINGHPANG 24:42

“Ngai gaw, ‘Ya dai ni ndai hka htung de ngai du ai shaloi, nye a madu Abraham a dai Madu Karai Kasang hpe chyeju hte ngai galaw nga ai lam hta awng dang ai lam jaw ya e.

NINGPAWT NINGHPANG 24:48

Ngai mung hput di nna dai Madu hpe nawku nngai. Nye a madu a shadang sha a matu dai shayi sha hpe ngai sa mu ai shara ngu ai nye madu a amyu bawsang hpang de ading sha woi sa wa ai nye madu Abraham a Karai Kasang dai Madu hpe shakawn kungdawn nngai.

2 SAMUELA 5:24

Hpun ndung ni hta rawt hkawm wa ai nsen na jang chyawm gaw gasat sanu; hpa majaw nga yang, Hpilisti luksuk hpe gasat dang kau na matu na a shawng e ngai sa wa na rai nga nngai,” ngu nna htan wu ai.

2 HKAWHKAM 14:8

Dai hpang Amazia gaw Israela Hkawhkam Yehoasha hpang de gasat dakat hkying hkat na lam tsun dan na matu dat kasa ni hpe shangun dat wu ai.

TARA AGYI 4:14

Dai hpang Debora gaw Barak hpe, “Sa su! Dai Madu gaw nang hpe woi awn na ra ai! Dai ni na nhtoi hta Sisera hpe gasat dang kau na awng padang shi nang hpe jaw da nit dai,” ngu nna tsun wu ai. Dai rai nna Barak gaw shi a masha mun mi hte rau Tabora Bum kaw nna yu wa wu ai.

TARA AGYI 7:14

Shi a manang wa chyawm gaw, “Dai gaw Israela masha Yoasha a kasha Gidon a nhtu rai nga ai! Dai hta lachyum kaga hpa mung n rawng nga ai! Karai Kasang gaw Midian masha ni hte hpyen laba ni hpe dang kau na awng padang shi hpe jaw nu hka!,” ngu nna htan wu ai.

TARA AGYI 7:15

Dai masha wa htai ai yup mang hte de a lachyum hpe Gidon na ai shaloi, dai Madu hpe hput di let nawku wu ai. Dai hpang shi gaw Israela dap de nhtang wa nhtawm, “Rawt manu! Dai Madu Midian hpyen laba ni hpe dang kau na awng padang nanhte hpe jaw ya nga sai!,” ngu nna tsun wu ai.

TARA AGYI 9:54

Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

1 SAMUELA 14:10

Rai ti mung, shanhte kaw sa wa mi, nga nna tsun jang chyawm gaw an sa wa ga; hpa majaw nga yang, shanhte hpe dang kau na awng padang dai Madu an hpe jaw nu ai; kumla gaw dai hku rai na ra ai,” ngu nna tsun wu ai.

1 SAMUELA 14:13

Yonahtan gaw uhkan shara kaw nna gumrawt lung wa wu ai; shi a shabrang wa mung shi kaw hkan nang nga ai. Yonahtan gaw Hpilisti masha ni hpe htim gasat nna anut kadawng kau wu ai; shabrang wa mung shanhte hpe hkan sat kau wu ai.