1 SAMUELA 13:6 - Jinghpaw Common Language Bible 2009

⁶ Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;

Jinghpaw Hanson Version Bible

⁶ Ya Israela masha ni ruyak hkrum nna, nau wa kyin dut dum wa jang, mung masha ni gaw lunghpu hku, nam maling kata, lunggrawp lungwawp, langhkyi hte ga nhkun hkan e hprawng makoi nga ma ai.

1 SAMUELA 13:6 ပူးပေါင်းရင်းမြစ်များ

2 SAMUELA 24:14

Dawi gaw, “Ngai myit ru nga ai aten rai nga ai law! Rai ti mung masha ni ari jaw ai hku ngai n ra sharawng nngai; dai Madu shi nan mahtang anhte hpe ari jaw ai wa rai u ga, hpa majaw nga yang shi gaw matsan dum ai wa rai nga ai,” ngu nna htan wu ai.

ESAIA 42:22

Rai ti mung, ya chyawm gaw shi a amyu masha ni hpya lu hpya sha ai hkrum nga manu ai; shanhte gaw ga htawng hta bang da ai hkrum ma ai, htawng ni hta makoi bang da hkrum ma ai. Shanhte gaw kashun kashe, hpya lu hpya sha ai hkrum ma ai, kadai mung shanhte hpe sa hkye la nga ma ai n rai.

YEREMIA 41:9

Ishmaela e sat kau ai masha ni a moi mang ni hpe kabai bang ai hka htung gaw Israela Hkawhkam Basha htim gasat shang wa ai shaloi Hkawhkam Asa htu da ai hka htung rai nga ai. Ishmaela gaw dai hka htung hpe moi mang ni hte jahpring da wu ai.

EZEKELA 33:27

“Ngai gaw teng teng ahkrung nga ai Karai Kasang rai nga nngai, dai majaw dai hten run mat sai mare ni hta shanu nga ai amyu masha ni sat kau hkrum na mara ai hpe Tsaw Htum ai dai Madu ngai nan shadum ai ga, shanhte hpe htawn tsun u. Dai mungdan hta shanu nga ai ni mung nam na matse labye ni e sha kau hkrum na mara ai. Bum na makoi shara ni hte ginlawng hku ni hta rawng nga ai ni mung ana zinli ni hte si mat na mara ai.

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.

HEBRE 11:38

Shanhte gaw ruyak jam jau hkrum nna shingbyi shara tam masha ni zawn nam mali ga hkan, bum alang ga hkan e, lung pu hku ni hte ga ginlawng hku ni hta nga hkawm nga ma ai: rai ti mung mungkan ga gaw shanhte hte n ging n dan nga malu ai.

YAWSHU 8:20

Ai masha ni shanhte a mare hpe kayin yu ma yang, lamu de wan hkut dingchyung rai lung wa ai hpe shanhte mu ma ai. Bai hprawng mat wa masu ai prang yang de na Israela amyu masha ni mung shanhte hpe nhtang htim gasat ma ai majaw shanhte a matu hprawng lawt na lam n nga nga malu ai.

TARA AGYI 10:9

Amon masha ni gaw Yawdan hka rap nna Yuda, Benyamin hte Ehprim amyu bawsang ni hpe hkap gasat ma ai rai nna Israela masha ni tsin-yam tsindam kaba hkrum kau ma ai.

TARA AGYI 20:41

Dai hpang Israela masha ni nhtang kayin wa ma yang, shamyit kau ai hkrum na lam hpe shanhte chye ma ai majaw Benyamin amyu matu ni hkrit mat nga ma ai.

TARA AGYI 6:2

Dai Midian masha ni gaw Israela masha ni hta grau n-gun ja nga ma ai rai nna, Israela amyu masha ni mahtang lungpu hku ni hte bum lang kawng jinghkang hkan na shim ai shara ni hkan makoi gyem nga ma ai.

1 SAMUELA 13:15

Samuela mung Gilgala kaw nna pru nhtawm shi a hkrun lam bai hkawm mat wa wu ai. Shawlu gaw shi a hpyenla ni hpang de sa wa wu yang, naw ngam nga ai shi a amyu masha ni mung shi a hpang hkan nang ma ai. Shanhte gaw Gilgala kaw nna Benyamin a lamu ga e nga ai Gibea mare de sa mat wa ma ai. Shaloi Shawlu gaw shi a hpyen hpung ni hpe hkan jep wu yang masha kru tsa daram rai ma ai.

1 SAMUELA 14:11

Dai rai nna shan gaw shan a hkum hpe Hpilisti masha ni a man e shadan shadawng dan mu ai rai nna Hpilisti masha ni gaw, “Yu mu! Hebre masha nkau mi shanhte makoi nga ai nhkun kaw na pru wa mara ai law!,” ngu nna tsun ma ai.

1 SAMUELA 14:22

Ehprim bum ga hkan makoi gyem nga ai kaga masha ni mung, Hpilisti masha ni hprawng kagat mat sai lam na ai shaloi, shanhte mung sa lawm nna Hpilisti masha ni hpe

1 SAMUELA 23:19

Zihpa mare masha nkau mi gaw Gibea mare e nga ai Shawlu hpang de sa nhtawm, “Ya Dawi gaw Yuda nam mali a dingda maga de nga ai Hahkila bum ntsa na, anhte mung ga rai nga ai Horesha shara e makoi nga wu ai.

1 SAMUELA 24:3

Shi gaw lam makau na sagu lawng nkau mi hte htep rai nga ai lungpu hku langai mi de, hkum tsan na nga shang wa wu ai. Dawi hte shi a masha ni mung dai lungpu hku a kata htum maga de makoi rawng nga ma ai.

1 SAMUELA 31:7

Israela hpyen luksuk ni hprawng mat ma ai hte Shawlu hte shi a kasha ni sat kau ai hkrum sai lam hpe Yezrela Kadit a wora maga mi de nga ai Israela amyu masha ni hte Yawdan hka a sinpraw hkran de na ni na ma ai shaloi, shanhte a mare ni hpe kau da nhtawm hprawng mat wa ma ai. Dai hpang Hpilisti masha ni dai mare ni hpe sa madu la kau ma ai.

1 SAMUELA 7:7

Israela amyu masha ni Mizpa shara e zup hpawng nga masai lam hpe Hpilisti masha ni na ma ai shaloi, shanhte hpe htim gasat na matu Hpilisti hkawhkam manga hte shanhte a masha ni hte rau rawt sa wa hpang ma ai. Israela amyu masha ni mung dai lam na jang hkrit ma ai rai nna,