1 SAMUELA 13:5 - Jinghpaw Common Language Bible 2009

⁵ Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

Jinghpaw Hanson Version Bible

⁵ Shaloi Hpilisti masha ni gaw Israela masha ni hpe gasat na nga, hpyen leng mun masum, gumra hpyen hkying kru hte, nammukdara zaibru zawn law ai masha hpe jahpawng la nna, rawt sa wa nhtawm, Bet-awen sinpraw maga Mikmasha e dap jung ma ai.

1 SAMUELA 13:5 ပူးပေါင်းရင်းမြစ်များ

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

2 SAMUELA 17:11

Ngai hpaji jaw mayu ai lam gaw panglai hkin-gau ntsa e taw ai zaibru daram law htam nga nna mungdan jahtum shara mi kaw nna shara mi de du hkra nga nga ai Israela masha ni yawng hpe woi nhtawm majan pa de nang nan shanhte hpe woi awn sa wa su.

1 HKAWHKAM 20:27

Israela masha ni mung hpyen hking hte hkrak rai shaga shapraw la hkrum ma ai. Shanhte gaw Suri masha ni nga ai de man yawng ai shara de rawt lung wa nhtawm hpung lahkawng garan nna dap jung da mu ai. Israela masha ni chyawm gaw mung ting hta pri rai nga ai Suri masha ni hte shadawn yu yang, kaji ai bainam hpung lahkawng daram sha rai ma ai.

2 HKAWHKAM LABAU 1:9

O, Madu Karai Kasang e, nye wa hte shagrin da sai ga sadi hpe shatup u law; nang chyawm gaw ngai hpe n dang hti hkra grai law la ai amyu masha ni a hkawhkam shatai da nga nit dai rai nna;

ESAIA 10:28

Gumlau hpyen luksuk gaw Ai mare hpe zing la kau nu hka! Shanhte gaw Migron mare hku ga lai mat wa masai! Shanhte gaw Mikmasha mare e hpyen madi shadaw arai ni hpe tawn da nga masai!

ESAIA 48:19

Na a aru arat ni gaw zaibru tum ni zawn law htam wa nna, shanhte gaw galoi mung jahten kau n hkrum na rai nga ai hpe ngai shangang shakang da se ai.”

YEREMIA 15:8

Na a mungdan na gaida ni gaw panglai makau na zaibru tum ni hta grau law nga ai. Ngai gaw na a shabrang ma ni hpe shanhte a wa-ngan aten ni hta sat kau ai hte shanhte a kanu ni hpe nni nkri jahkrum nngai. Ngai gaw shanhte hpe makyin madut hte hkrit kajawng hpa hte akajawng sha kayat ni ai.

HOSEA 10:5

Samari mare hta shanu nga ai masha ni gaw hkrit gari nna Behtela mare na ja dumsu mat mat ai majaw sharung shayawt na mara ai. Shanhte hte hpara sumla daw jau ai hkinjawng ni mung dai hta hkrap ngu hkrap ngoi na mara ai. De a hkik hkam ai aja shingkang hkoi mat jang, shanhte hkrap agru na mara ai.

HOSEA 4:15

“Nanhte Israela amyu masha ni gaw ngai hta sadi n dung nga myit ti mung, Yuda ni chyawm gaw dai zawn nan re ai mara n galaw hkrup nga mu ga. Gilgala mare e hkum nawku myit; Betawen mare e mung hkum nawku myit; ahkrung nga ai dai Madu a amying hta ga sadi ni hkum tawn da myit.

HOSEA 5:8

Gibea hta majan pahke dum dat mu! Rama hta majan nsen kajawng shadum dat mu! Betawen e majan nsen jahtau garu mu! Benyamin masha ni e, majan gasat mu!

ROMA 9:27

Israela amyu a lam Esaia jahtau tsun ai gaw, “Israela kashu kasha ni gaw nammukdara makau na zaibru zawn law ma timung, shanhte hta na kau chyen chyu sha hkye hkrang la ai hkrum na mara ai.

YAWSHU 11:4

Shanhte gaw panglai hkin-gau na zaibru zawn law la ai luksuk kaba ni hte mung, gumra hte hpyen leng law law hte mung pru sa wa ma ai.

YAWSHU 18:12

Dingdung maga de na shanhte a lamu ga jarit gaw Yawdan hka kaw nna Yerihko lahta hku hprang, sinna maga de na bum ga de hkroi, Betawen mali e byawn rai nga ai.

YAWSHU 7:2

Yawshu gaw Yerihko mare kaw nna Behtela a sinpraw maga Betawen makau na Ai mare de masha nkau mi hpe shangun dat nhtawm dai lamu ga hpe sa maram yu na matu hkang dat wu ai. Shing rai shanhte sa maram yu ngut ai hpang,

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

1 SAMUELA 13:11

rai ti mung, Samuela mahtang, “Nang hpa galaw kau sata?,” ngu nna tsun wu ai. Shawlu gaw, “Amyu masha ni ngai kaw na hprawng mat wa ai hte nang mung madat da ai ahkying hta n du rai nna mung, dai sha n-ga, Hpilisti masha ni Mikmasha shara e hpawng nga ma ai majaw,

1 SAMUELA 14:23

Betawen lai hkra, lam dingyang gasat ma ai. Dai Madu mung Israela hpe dai shani e hkye la wu ai.

1 SAMUELA 14:52

Shawlu hkrung nga dingsa, shi gaw Hpilisti masha ni hpe majan aja awa gasat ra wu ai rai nna, n-gun ja nna magrau grang ai masha mu shagu, shi a hpyen luksuk jahpan hta mying bang la la rai wu ai.

1 SAMUELA 17:1

Hpilisti masha ni gaw majan gasat na matu, Yuda mung na Sohko mare hta zup hpawng la nna, Sohko hte Azeka lapran na Ehpe Damim mying ai shara e dap jung tawn ma ai.

1 SAMUELA 7:13

Dai rai nna Hpilisti masha ni sum mat ma ai rai nna Samuela ahkrung nga dingsa Israela a lamu ga hpe shanhte shang gasat la na hpe dai Madu ban shadang nga ai.