1 SAMUELA 13:3 - Jinghpaw Common Language Bible 2009

³ Ya, Geba e nga ai Hpilisti dap up wa hpe Yonahtan sat kau wu ai lam hpe Hpilisti masha ni yawng na ma ai. Dai hpang Shawlu mung Hebre masha ni majan de shang na matu mungdan ting de pahtau dum na, kasa ni hpe shangun dat wu ai.

Jinghpaw Hanson Version Bible

³ Ya Yonahtan gaw Geba e nga ai Hpilisti dap shang gasat wu ai; dai lam Hpilisti masha ni na ma ai. Shawlu mung, Hebre masha ni na mu ga, nga nna mung ting pahtau dum shangun wu ai.

1 SAMUELA 13:3 ပူးပေါင်းရင်းမြစ်များ

2 SAMUELA 2:28

Yoab mung shi a masha ni Israela masha ni hpe n hkan shachyut na matu pahtau dum let masat kumla madun dat wu yang, dai gasat gala ai gaw hkring mat nga ai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 23:14

Dai shaloi e, Dawi chyawm gaw kawng ntsa na hpyen dap hta nga nga ai; Hpilisti masha hpung mi mahtang Betlehem mare hpe madu la kau rau nga masai.

ESAIA 10:29

Shanhte gaw bum lam hku ga lai wa nna, Geba mare e lana mi nga shalai kau ma hka! Rama mare hta nga ai masha ni gaw hkrit kajawng nga ma ai, Hkawhkam Shawlu a daidaw buga Gibea e nga ai masha ni mung hprawng mat nga masai.

ZEHKARIA 14:10

Dingdung maga Geba mare kaw nna dingda maga Rimon mare du hkra dam ai ginwang ting gaw man ra ai shara tai mat na ra ai. Yerusalem chyawm gaw de a grup yin lamu ga hta grau tsaw nga na ra ai. Dai mare gaw Benyamin Chyinghka kaw nna shawng na chyinghka nga ai shara Njut Chyinghka du hkra, Hananela Langchyi kaw nna hkawhkam wa a sabyi htumbyen du hkra dam nga na ra ai.

YAWSHU 18:24

Hkehparamoni, Ohpuni hte Geba ni rai nga ai. Kahtawng hte hpawn mare shi lahkawng rai nga ai.

YAWSHU 21:17

Benyamin a lamu ga hta na Gibeon, Geba,

TARA AGYI 3:27

Shi gaw dai yang na Ehprim bum ga de du wa yang, hpyen majan rawt na Israela amyu masha ni hpe shaga dat na nga, pahke dum dat wu ai. Dai hpang shi gaw shanhte hpe bum ga kaw na woi yu wa wu ai.

TARA AGYI 6:34

Madu a wenyi chyawm gaw Gidon hpe hkang nga ai rai nna Abieza a lakung lama ni hta na masha ni shi a hpang hkan na matu shi pahtau dum let shaga dat wu ai.

1 SAMUELA 10:5

Dai hpang, Hpilisti dap nga ai Gibea shara na Karai Kasang a kawng de nang sa wa na rai ndai. Shing rai mare chyinghka e, sumpyi dawraw, chying bau, larung sumhkran hte tingse ni hpe dum let kawng ntsa hta nga ai tawn hkungri na yu wa ai myihtoi hpung mi hte nang hkrum na rai ndai. Shanhte gaw ka manawt let jahtau garu na mara ai.

1 SAMUELA 13:16

Shawlu, shi a kasha Yonahtan hte shanhte a masha ni gaw Benyamin a lamu ga na Geba mare hta dap jung ma ai; Hpilisti masha ni chyawm gaw Mikmasha shara e dap jung ma ai.