1 SAMUELA 13:11 - Jinghpaw Common Language Bible 2009

¹¹ rai ti mung, Samuela mahtang, “Nang hpa galaw kau sata?,” ngu nna tsun wu ai. Shawlu gaw, “Amyu masha ni ngai kaw na hprawng mat wa ai hte nang mung madat da ai ahkying hta n du rai nna mung, dai sha n-ga, Hpilisti masha ni Mikmasha shara e hpawng nga ma ai majaw,

Jinghpaw Hanson Version Bible

¹¹ Shaloi Samuela gaw, “Nang hpa galaw n ta?” ngu wu yang, Shawlu gaw, “Masha ni ngai kaw na hprawng mat wu ai hte nang mung madat da ai ahkying hta n du rai nna, Hpilisti masha ni Mikmasha e hpawng nga ai, ngai mu we ai majaw,

1 SAMUELA 13:11 ပူးပေါင်းရင်းမြစ်များ

NINGPAWT NINGHPANG 3:13

Dai Madu Karai Kasang gaw, “Nang hpa majaw ndai amu hpe galaw kau nu ni?,” ngu nna numsha hpe san wu ai. Shi gaw, “Dai namsi hpe sha na matu, lapu mahtang ngai hpe lau la ni ai,” ngu nna htan wu ai.

NINGPAWT NINGHPANG 4:10

Dai hpang dai Madu gaw, “Nang hpa rai ndai hkrit hpa amu hpe galaw kau nu ni? Na a kanau a asai gaw matai htang ya na matu shaga ai nsen zawn aga kaw nna ngai hpang de jahtau nga ai.

2 SAMUELA 3:24

Dai rai nna Yoab gaw hkawhkam wa kaw shang nna shi hpe, “Nang hpa galaw kau sata? Abna mung nang kaw sa ai da aw! Shi hpe hpa majaw dai zawn sha dat dat kau wu ni?

2 HKAWHKAM 5:25

Shi mung nta nhku de bai shang mat wa yang, Elisha gaw shi hpe, “Nang kanang de sa mat n ni?,” ngu nna hkap san wu ai. Shi chyawm gaw, “Oh madu e, kanang de mung n sa nngai,” ngu nna htan wu ai.

ESAIA 10:28

Gumlau hpyen luksuk gaw Ai mare hpe zing la kau nu hka! Shanhte gaw Migron mare hku ga lai mat wa masai! Shanhte gaw Mikmasha mare e hpyen madi shadaw arai ni hpe tawn da nga masai!

YAWSHU 7:19

Yawshu gaw shi hpe, “Ngai sha e, dai Madu Israela a Karai Kasang a man, ndai yang e, teng man ai ga tsun nna mara yin la u. Nang kaning rai galaw kau nit dai lam, ya ngai hpe tsun dan e, ngai hpe dai lam ip da na hkum shakut et,” ngu nna tsun wu ai.

1 SAMUELA 13:12

bai Hpilisti masha ni ndai ngai nga ai Gilgala de sa gasat na mara ai; dai Madu kaw na chyeju garai n hpyi la nga nngai wa,’ ngu nna ngai myit nawn kau ni ai. Dai rai nna nye myit hkam sha ai hte shagu hkungga nawng kau se ai,” ngu nna htan wu ai.

1 SAMUELA 13:16

Shawlu, shi a kasha Yonahtan hte shanhte a masha ni gaw Benyamin a lamu ga na Geba mare hta dap jung ma ai; Hpilisti masha ni chyawm gaw Mikmasha shara e dap jung ma ai.

1 SAMUELA 13:23

Hpilisti masha ni gaw Mikmasha uhkan hpe makawp maga na matu hpyenla hpung mi hpe shangun dat wu ai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

1 SAMUELA 14:5

Langai mi gaw dingdung maga Mikmasha de man yawng nna, langai mi gaw dingda maga Geba de man yawng nga ai.