1 SAMUELA 12:5 - Jinghpaw Common Language Bible 2009

⁵ Samuela chyawm gaw, “Ngai hta tsep kawp mara n kap nga ai hpe nanhte mu manit dai rai nna dai Madu hte shi lata san da nu ai hkawhkam yan gaw dai ni na nhtoi hta sakse tai nga manu ga,” ngu nna htang tsun wu ai. Shanhte mung, “Rai sa, dai Madu gaw anhte a sakse rai nga ai,” ngu nna htan ma ai.

Jinghpaw Hanson Version Bible

⁵ Shi gaw, “Rai sa, nanhte nye a lata e masha wa a arai n mu gawn manit dai gaw, Yehowa ngai hpang maga sakse rai nga nu ga; shi a namman chya ai wa mung, sakse rai u ga,” ngu wu ai. Shanhte gaw, “Rai sai, Shi sakse rai nga ai,” ngu mu ai.

1 SAMUELA 12:5 ပူးပေါင်းရင်းမြစ်များ

NINGPAWT NINGHPANG 31:50

Laban mung matut nna, “Nye a shayi sha yan hpe nang n gawn n sawn di nna kaga numsha ni hpe la ai rai yang, shing re ai lam hpe ngai n chye lu tim, Karai Kasang an hpe azi yu nga ai hpe gaw, adum nga ga.

YOBA 16:19

Nye a matu tsap ya na hte nye a maga de nga ya na marai langai ngai sumsing lamu e nga nga ai.

YOBA 42:7

Dai Madu gaw Yoba hpe ga shaga ngut jang, shi gaw Elihpaza hpe, “Nye a lam hte seng nna nye a shangun ma Yoba zawn teng man ai ga nang n tsun ndai majaw, nang hte na a manang lahkawng yan hpe pawt bu nngai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

YAWHAN 18:38

Pilat gaw, “Teng man ai ngu ai gaw hpa rai ta?,” ngu nna shi hpe san wu ai. Dai hpang Pilat gaw shinggan de Yuda masha ni kaw bai pru nna “Ndai wa hpe daw dan na matu hpa mara mung n mu tam lu nngai.

KASA 23:9

Shanhte marawn jahtau tsun shaga ai gaw grau nna ja wa ai, shaloi Hparishe hpung hta lawm ai tara sara nkau mi rawt nna, “Ndai wa hta anhte hpa mara mung n mu ga ai! Kaja wa Wenyi shing n rai lamu kasa langai mi shi hte ga tsun yang tsun shaga sana re!,” nga nna tsun hkat bu ma ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

KASA 24:20

Shing n rai yang mung, mung bawng hpawng a man e ngai tsun dara tang madun nga yang, ‘Ngai gaw si ai ni bai hkrung rawt wa na lam hpe kam ai wa re majaw, dai ni nanhte ngai hpe jeyang myit dai,’

1 KORINHTU 4:4

Hpa majaw nga yang, ngai hkum dai myit asan sha, mara n lu dum nngai; rai ti mung ngai hta mara n kap ai ngu nna ngai n tsun mayu nngai, Ngai hpe jeyang ai wa gaw dai Madu rai nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

1 SAMUELA 12:4

Amyu masha ni gaw, “N rai law, nang chyawm gaw anhte hpe n maw sha, n dip gamyet sha ndai; kadai kaw na hpa arai mung nang n la yu nga ndai,” ngu nna htan ma ai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.