1 SAMUELA 12:22 - Jinghpaw Common Language Bible 2009

²² Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.

Jinghpaw Hanson Version Bible

²² Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.

1 SAMUELA 12:22 ပူးပေါင်းရင်းမြစ်များ

1 HKAWHKAM 6:13

Nang gaw gap da ai ndai Nawku Htingnu hta nye a amyu masha ni hte rau nga nga na nngai; shanhte hpe galoi mung ngai kau da na nngai n rai,” ngu nna tsun wu ai.

1 HKAWHKAM 8:57

Anhte a kaji kawa ni hte rau shi nga nga ai zawn dai Madu anhte a Karai Kasang mung anhte hte rau anga nga u ga law; shi anhte hpe galoi mung n kau da ai hte n kabai kau nga u ga.

2 HKAWHKAM 14:27

Rai ti mung Israela masha ni hpe htani htana tsep kawp jahten sharun kau na dai Madu a yaw shada ai lam n rai nga ai majaw Hkawhkam Yeroboam II a lata hte shi shanhte hpe hkye mawai la nga ai.

2 HKAWHKAM 21:14

Naw ngam nga ai amyu masha ni hpe mung ngai kau da nhtawm shanhte a gumlau hpyen ni a lata de ap kau na we ai; hpyen ni mung shanhte a mungdan hpe gasat dang kau nna kashun kashe rai hpya ayai kau na mara ai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

2 HKAWHKAM LABAU 15:2

shi gaw Hkawhkam Asa hpe sa hkrum na nga pru sa mat wa wu ai. Dai hpang shi gaw, “O Hkawhkam Asa hte Yuda hte Benyamin amyu masha ni yawng hte e, nye a ga madat mu! Nanhte shi hte rau nga nga dingsa, dai Madu mung nanhte hte rau nga nga ai. Nanhte shi hpe tam myit yang shi nanhte hpe mu shangun na ra ai; rai ti mung nanhte shi hpe kayin kau myit dai rai yang shi nanhte hpe kau da na ra ai.

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

SHAKAWN KUNGDAWN 106:8

Rai ti mung, shi gaw shi a galu kaba ai daru magam n-gun hpe madun dan na matu, ga sadi tawn da sai hte maren, shanhte hpe hkye hkrang la nu ai.

SHAKAWN KUNGDAWN 94:14

Madu gaw shi a amyu masha ni hpe kau da na ra ai n rai; shi hte seng ai amyu masha ni hpe kabai kau da na ra ai n rai.

PRU MAT 32:12

Nang gaw shanhte hpe bum lang hkan sat kau nna shanhte hpe atsai awai shamyit kau na matu shatawng shada nhtawm, na a amyu masha ni hpe Egutu mung kaw na woi wa wu ai nga, Egutu masha ni hpe hpa majaw tsun shara sharawng na rai nga a ta? Masin pawt ai hpe shakawp kau sanu; na a myit galai kau nhtawm na a amyu masha ni a ntsa e ndai ru yak tsin-yam tsindam hkum shadu et.

ESAIA 37:35

Nye a arawng sadang a matu mung, nye a shangun ma Dawi hpe ngai jaw ai ga sadi a majaw mung, ndai mare hpe shadaw shangang nna dai hpe makawp maga na nngai.

ESAIA 41:17

“Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

ESAIA 43:7

Shanhte gaw nye a amyu masha ni nan rai nga ma ai, nye a hpung shingkang a matu ngai shanhte hpe hpan da ni ai,” ngu nna tsun ai.

ESAIA 48:11

Ngai galaw ai amu gaw nye a matu rai nga ai- Ngai gaw nye a mying hpe jahpoi jahkrum shangun na n rai, nye a hpung shingkang hpe kadai hpe mung garan ya na n rai, dai gaw nye a matu hte nye a matu chyu sha rai nga ai,” ngu nna tsun ai.

ESAIA 49:15

Dai rai nna dai Madu gaw, “Numsha gaw tinang a chyu chyu ai ma hpe malap kau nna shi shangai ai ma hpe n tsaw ra mai nga a ni? Kanu gaw tinang a kasha hpe malap kau tim pyi, ngai gaw nang hpe galoi mung malap kau na nngai n rai.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

YEREMIA 14:21

Na a ga sadi ni hpe adum nga u, anhte hpe hkum matsat kau nga et; na a hpung shingkang tingnyang shara nga ai Yerusalem hpe kaya hkum jahkrum nga et. Nang anhte hte galaw da nit dai ga shaka hpe hkum jahten kau nga et.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

YEREMIA 14:9

Nang gaw hpa majaw mau mak mat ai hte karum la na matu n-gun n rawng ai hpyenla wa zawn tai nga n ta? Kaja wa tsun ga nga yang, Madu e, nang gaw anhte hte rau nga nga ndai! Anhte gaw na a amyu masha ni rai nga ga ai; anhte hpe hkum kau da nga et,’” ngu nna jahtau tsun ma ai.

SHARUNG SHAYAWT 5:20

Nang anhte hpe hpa majaw dai daram na hkra kau da n ni? Nang anhte hpe bai dum nga na kun?

EZEKELA 20:14

Rai ti mung, dai hku ngai n galaw nngai, hpa majaw nga yang, Egutu mung kaw na Israela amyu masha ni hpe ngai woi wa sai lam mu ai masha amyu baw ni a man e nye a amying jahpoi kau ai lam n tai shangun nngai.

EZEKELA 20:9

Rai ti mung, shanhte shanu nga ai masha amyu ni a man e, nye a amying jahpoi kau n hkrum mat hkra, shanhte hpe Egutu mung kaw nna woi shapraw la na, Israela amyu masha ni hpe ngai tsun ndau ni ai.

MALAHKI 1:2

Dai Madu gaw shi a amyu masha ni hpe, “Ngai nanhte hpe tut nawng tsaw ra nga ni ai,” ngu nna tsun wu ai. Rai ti mung, shanhte gaw, “Anhte hpe na a tsaw ra myit gara hku madun yu nit ni?,” ngu nna bai htang tsun ma ai. Dai Madu gaw, “Esaw yan Yaku gaw kahpu kanau yan rai ma ai, rai ti mung ngai gaw Yaku hte shi a matu mara ni hpe mahtang tsaw ra ni ai.

MAHTE 11:26

Rai sa, Wa e, ndai hku byin ai lam gaw, na a myit ra ai lam hte maren rai nga lit dai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

ROMA 11:1

Dai rai nna ngai san yu n ga, Karai Kasang gaw shi a amyu masha ni hpe kabai kau nu ni? Shing n rai law! Ngai hkum nan Israela masha rai nga nna, Abraham a aru arat hte Benyamin a bawsang rai nga nngai.

ROMA 11:29

Hpa majaw nga yang Karai Kasang gaw kadai hpe rai ti mung shaga la nna shaman chyeju jaw na matu daw dan sai hpang myit n galai chye ai wa rai nga ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

EHPESU 1:12

Dai rai yang gaw nanhte Hkristu hta shawng nnan myit mada ai lam lu la sai ni gaw Karai Kasang a hpung shingkang hpe shakawn kungdawn nga ga law.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

TARA JAHPRANG 14:2

Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai Madu nanhte a Karai Kasang gaw nanhte hpe madu da nga ai.

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 31:8

Dai Madu shi nan nang hte rau rai nga nna nang hpe woi awn na rai wu ai. Shi nang hpe kabai kau na n rai; nang hpe kau da na n rai; dai rai nna myit nden shaja u, hkum hkrit et,” ngu nna tsun wu ai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

TARA JAHPRANG 9:5

Nanhte gaw mai kaja nga nna teng man ai amu hpe galaw nga myit dai majaw dai Madu nanhte hpe shanhte a mungdan hpe madu la shangun myit dai n rai; shanhte nan n hkru n shawp ai a majaw mung, nanhte a nji nwa Abraham, Isak hte Yaku ni hte tawn da ai ga sadi hpe shadik shatup na shatawng shada da ai lam a majaw mung, shi shanhte hpe shaden kau na rai wu ai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

YAWSHU 7:9

Hkanani masha ni hte ndai mung na masha nlang ndai lam hpe na na rai ma ai. Shaloi shanhte gaw anhte hpe sa wang nna masha hkum shagu hte hpe sat kau na mara ai. Dai hpang na a arawng sadang hpung shingkang makawp maga na matu nang kaning di na rai nga n ta?,” ngu nna tsun wu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.