1 SAMUELA 12:13 - Jinghpaw Common Language Bible 2009

¹³ “Ya chyawm gaw nanhte lata la sai hkawhkam wa ndai yang e nga nga ai; shi hpe nanhte hpyi myit dai majaw dai Madu mung nanhte hpe jaw ya nu ai.

Jinghpaw Hanson Version Bible

¹³ Ya chyawm gaw nanhte ra nna, lata la ai hkawhkam wa hpe yu yu mu: nanhte a ntsa e hkawhkam tai na matu, Yehowa shadun ya manit dai.

1 SAMUELA 12:13 ပူးပေါင်းရင်းမြစ်များ

HOSEA 13:11

Nye a masin pawt bu ai hte nanhte hpe ngai hkawhkam jaw ni ai. nye a sindawng kahtet ai hte shanhte hpe ngai dawm la se ai.

KASA 13:21

Dai hpang shanhte hkawhkam langai mi hpyi ma yang, Karai Kasang gaw Benyamin amyu Kisha a kasha Shawlu hpe shanhte a matu mali shi ning hkawhkam tai ya na matu jaw mu ai.

1 SAMUELA 10:24

Samuela gaw amyu masha ni hpe, “Dai Madu lata la nu ai wa gaw nang e nga nga ai law! Shi hte bung ai wa kadai mung anhte a lapran e n nga ma ai,” ngu nna tsun wu ai. Shaloi amyu masha ni yawng gaw, “Hkawhkam wa asak galu u ga law!,” ngu nna jahtau tsun ma ai.

1 SAMUELA 11:15

Dai rai nna, shanhte yawng mung Gilgala de wa nna dai yang na chyoi pra ai shara hta Shawlu hkawhkam rai nga ai lam shanhte tsun shana ma ai. Shanhte mung mahku hkungga nawng ya mu ai hte Israela amyu masha ni yawng mung poi galaw ma ai.

1 SAMUELA 12:17

Ndai aten gaw hkun hkraw ai aten rai nga ai, n rai ni? Rai ti mung dai Madu gaw mu shangoi dat nna marang jahtu dat u ga, ngu nna ngai hpyi dat na nngai. Dai lam byin wa ai shaloi, nanhte shi kaw hkawhkam hpyi ai shaloi, dai Madu hpe nanhte yubak kaba galaw shut kau sai lam rai nga sai hpe nanhte dum chye wa na myit dai.”

1 SAMUELA 12:19

shanhte gaw Samuela hpe, “Madu e, chyeju hte anhte n si mat u ga, dai Madu na a Karai Kasang kaw anhte a matu hpyi nem ya mi. Kaga anhte a yubak yawng hta kaga, hkawhkam hpyi nna shut kau ai anhte a yubak mara ni yawng hpe mung ya anhte dum chye saga ai,” ngu nna tsun ma ai.

1 SAMUELA 8:5

shi hpe, “Yu u, nang dingla wa nga ndai; na a kasha yan mung na a kasi n hkan nga ma ai. Dai rai nna, kaga mungdan ni lu ai zawn anhte hpe up hkang na hkawhkam langai mi ra ga ai majaw hkawhkam san da ya mi,” ngu nna tsun ma ai.

1 SAMUELA 9:20

Lai sai masum ya laman mat mat sai lawze ni a matu hkum myit tsang nga masa; dai ni hpe mu la masai. Rai ti mung, Israela amyu masha ni grai ra marit nga ai gaw kadai hpe rai nga a ta? Dai gaw nang hpe rai nga ai, nang hte na a nwa a dinghku ni rai nga ai,” ngu nna htan wu ai.