1 SAMUELA 12:11 - Jinghpaw Common Language Bible 2009

¹¹ Dai Madu mung Gidon, Barak, Yephta hte jahtum ngai hpe shangun dat wu ai. Anhte langai hte langai mung nanhte hpe gumlau hpyen ni a lata kaw na hkye mawai la saga ai rai nna, shim lum ai hte nanhte nga lu manit dai.

Jinghpaw Hanson Version Bible

¹¹ Dai re ai majaw Yehowa mung, Yerubala, Bedan, Yephta, Samuela hte hpe shangun nna, grup yin masha hpyen ni a lata na, nanhte hpe hkye tawn myit dai rai nna, nanhte apyaw sha rai nga myit dai.

1 SAMUELA 12:11 ပူးပေါင်းရင်းမြစ်များ

2 HKAWHKAM 13:5

Dai Madu gaw Suri masha ni a lata kaw nna shanhte hpe shalawt dat na ningbaw langai Israela hpang de shangun dat ya wu ai rai nna, shawng de na zawn ngwi pyaw sim sa ai hte shanhte shanu nga lu ma ai.

1 HKAWHKAM LABAU 7:17

Ulam chyawm gaw Bedan mying ai shadang sha langai lu ai. Dai ni yawng gaw Manashe a kashu, Mahkira a kasha, Gilead a amyu matu ni rai nga ai.

TARA AGYI 4:6

Lani mi na aten hta, Debora gaw Naphtali a sali ga Kedesha mare na Abinoam a kasha Barak hpe shaga shangun dat nhtawm shi hpe, “Dai Madu Israela a Karai Kasang gaw ndai hkang da ai ga nang hpe jaw nit dai: ‘Naphtali hte Zebulun amyu bawsang hta na masha mun mi woi nhtawm shanhte hpe Tabora Bum de woi lung wa su.

TARA AGYI 6:14

Dai hpang dai Madu gaw shi hpe, “Nang hta rawng ai n-gun mahkra hte Israela amyu masha ni hpe dai Midian masha ni a lata kaw na hkye mawai la su; ngai nan nang hpe shangun dat nga nngai,” ngu nna hkang dat wu ai.

TARA AGYI 6:31

Rai ti mung Yoasha chyawm gaw shi hte hkrum kapa ai ni yawng hpe, “Nanhte gaw Bala a matu rawt tsap nga myit ni? Shi a maga de ninghkap ya na rai nga myit ni? Bala hpang maga de rawt tsap nang ai ni kadai mung jahpawt manap garai n du yang sat kau ai hkrum myit ga. Bala wa karai re ai teng yang gaw hten run mat ai shi a tawn hkungri hpe shi hkum nan makawp la u ga,” ngu nna tsun mu ai.

TARA AGYI 6:32

Yoasha gaw, “Hten run mat sai shi a tawn hkungri hpe Bala shi nan makawp la u ga,” ngu wu ai majaw dai aten kaw nna Gidon hpe Yerubala ngu nna shamying wu ai.

TARA AGYI 7:1

Lani mi na aten hta Gidon hte shi a masha ni yawng manap jau jau rawt nna Harod hka hpawk makau e dap jung da ma ai. Midian ni a dap mahtang shanhte a dingdung maga More kawng kadit e rai nga ai.

TARA AGYI 8:29

Gidon gaw shi a nta de nhtang wa nna dai yang e wa nga nga wu ai.

TARA AGYI 8:35

Shanhte gaw Israela a matu mai kaja nna ngamu ngamai wa hkra shakut shaja ya sai Gidon a dinghku hpe chyeju n chye dum nga ma ai.

1 SAMUELA 3:20

Dai rai nna, Samuela gaw teng teng dai Madu a myihtoi rai nga ai hpe mungdan a jahtum shara mi kaw nna kaga shara mi de du hkra nga nga ai Israela amyu masha ni yawng chye ma ai.

1 SAMUELA 7:13

Dai rai nna Hpilisti masha ni sum mat ma ai rai nna Samuela ahkrung nga dingsa Israela a lamu ga hpe shanhte shang gasat la na hpe dai Madu ban shadang nga ai.