1 SAMUELA 11:8 - Jinghpaw Common Language Bible 2009

⁸ Shawlu gaw shanhte hpe Bezek shara e zup hpawng da wu yang, Israela hta na 300,000 hte Yuda kaw na 30,000 du ma ai.

Jinghpaw Hanson Version Bible

⁸ Shi gaw Bezek shara e shanhte hpe hti yu wu yang, Israela kashu kasha ni hta na sen masum, Yuda amyu hta na mun masum, du ma ai.

1 SAMUELA 11:8 ပူးပေါင်းရင်းမြစ်များ

2 SAMUELA 24:9

Shanhte gaw hkawhkam wa hpe hpyen amu gun hpai lu ai Israela mung na 800,000 hte Yuda mung na 500,000 nga nga ai lam wa tang madun ma ai.

2 HKAWHKAM 3:6

Hkawhkam Yoram gaw Samari mare kaw nna kalang lata pru wa nhtawm shi a hpyen hpung ni yawng hpe shinggyin da wu ai.

TARA AGYI 20:2

Israela amyu bawsang ni yawng a ningbaw ni gaw Karai Kasang a masha ni hte rau hpawng nga ma ai rai nna lagaw dap hta shang lawm ai hpyenla hkrai 400,000 rai nga ai.

1 SAMUELA 11:9

Shanhte gaw Yabesha kaw na du sa ai kasa ni hpe, “Hpawt ni shani chyingtung garai n du yang shanhte hkye mawai la ai hkrum na re ai lam, nanhte a masha ni hpe wa tsun dan mu,” ngu nna tsun ma ai. Yabesha masha ni mung shiga dai hpe na jang, n chye tsun hkra kabu nga ma ai rai nna,

1 SAMUELA 13:15

Samuela mung Gilgala kaw nna pru nhtawm shi a hkrun lam bai hkawm mat wa wu ai. Shawlu gaw shi a hpyenla ni hpang de sa wa wu yang, naw ngam nga ai shi a amyu masha ni mung shi a hpang hkan nang ma ai. Shanhte gaw Gilgala kaw nna Benyamin a lamu ga e nga ai Gibea mare de sa mat wa ma ai. Shaloi Shawlu gaw shi a hpyen hpung ni hpe hkan jep wu yang masha kru tsa daram rai ma ai.

1 SAMUELA 15:4

Shawlu gaw shi a hpyen dap n-gun ni hpe shaga jahpawng dat nna Telem shara e jep yu wu yang, Israela amyu masha ni hta na 200,000 hte Yuda amyu masha hta na 10,000 rai nga ai.