1 SAMUELA 11:5 - Jinghpaw Common Language Bible 2009

⁵ Ya Shawlu gaw shi a dumsu utang ni hte yi de na ya sha shang wa wu ai; shaloi shi gaw, “Hpa baw shut mat sata? Masha shagu gaw hpa majaw hkrap shajang nga myit ni?,” ngu nna san wu ai. Shaloi shanhte gaw Yabesha mare na kasa ni tang madun ai shiga hkap tsun dan ma ai.

Jinghpaw Hanson Version Bible

⁵ Ya Shawlu nga gawt nna yi de na du wa ai: shaloi, “mare masha ni hpa rai hkrap ma ta?” ngu nna san mu yang, Yabesha masha ni a lam tsun dan mu ai.

1 SAMUELA 11:5 ပူးပေါင်းရင်းမြစ်များ

NINGPAWT NINGHPANG 21:17

Karai Kasang mung dai ma jahtau hkrap ai nsen na wu ai rai nna, sumsing lamu na Karai Kasang a lamu kasa gaw Hagara hpe, “Hagara e, nang hpa baw ru yak tsin-yam hkrum hkra nga n ta? Hkum hkrit nga et, Karai Kasang gaw dai ma a jahtau hkrap ai nsen hpe na ya nu ai.

1 HKAWHKAM 19:19

Elia pru sa wa wu yang, utang gap mi hte ga galau nga ai Elisha hpe sa mu wu ai; shi a shawng e gap shi langai nga nga ai rai nna Elia gaw shi a ntsa palawng raw la nna Elisha hpe jahpun ya wu ai.

SHAKAWN KUNGDAWN 78:71

Israela amyu masha ni a hkawhkam, Karai Kasang a amyu masha ni a sagu rem wa tai nga na matu, shi hpe san da nu ai.

ESAIA 22:1

Ndai gaw Shingran Kadit hte seng ai mungga langai rai nga ai. Hpa byin nga a ni? Mare masha ni yawng gaw hpa majaw nta numgaw ntsa e poi galaw nga ma ni?

TARA AGYI 18:23

shanhte hpe jahtau ma ai. Dan a masha ni mung kayin yu let Mihka hpe, “Hpa baw wa rai sata? Ndai masha uhpung mi hpa majaw hkan nang nga ma ta?,” ngu nna san ma ai.

1 SAMUELA 9:1

Benyamin amyu bawsang hta na Kisha mying nhtawm sut su nna daru magam rawng ai wa langai mi nga nga ai. Shi gaw Ahpia amyu lakung lama a amyu daw chyen rai nga ai Behkorat dinghku kaw na ran yu wa ai Zerora a kashu, Abiela a kasha rai nga ai.