1 SAMUELA 11:13 - Jinghpaw Common Language Bible 2009

¹³ Rai ti mung, Shawlu gaw, “Dai ni na nhtoi gaw dai Madu Israela hpe hkye hkrang la ai shani rai nga ai majaw, langai mi mung sat kau hkrum na n rai,” ngu nna tsun wu ai.

Jinghpaw Hanson Version Bible

¹³ Shawlu chyawm gaw, “Dai ni masha langai mi hpe muk, sat lu na n rai; kaning rai nme law Yehowa dai ni Israela amyu hpe hkye la wu ai,” nga ai.

1 SAMUELA 11:13 ပူးပေါင်းရင်းမြစ်များ

2 SAMUELA 19:22

Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

2 SAMUELA 19:23

Dai rai nna shi gaw Shime hpe, “Nang si lu na n rai nga ndai,” ngu nna nye a ga hte nang hpe dagam se ai.

2 SAMUELA 23:10

dai wa gaw shi a shara hta tsap nga let shi a lata grai ja mat ai majaw nhtu n mai kahtam mat ai aten du hkra, Hpilisti masha ni hpe gasat shamyit wu ai. Dai Madu mung dai shani e awng padang kaba jaw ya wu ai. Majan dai ngut boi mat ai shaloi, Israela masha ni gaw Eleaza nga ai shara de sa wa nhtawm si mat sai ni a hpyen hking hpun palawng ni raw la ya ma ai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

PRU MAT 14:30

Dai shani jang, dai Madu gaw Israela amyu masha ni hpe Egutu masha ni a lata kaw na hkye hkrang la nu ai rai nna panglai hkin-gau hkan e si taw nga ai Egutu masha ni hpe shanhte mu ma ai.

ESAIA 59:16

Dip gamyet sha hkrum nga ai wa hpe karum la na masha kadai n nga ai hpe mu ai majaw shi mau mat nga ai. Dai rai nna, shi gaw shanhte hpe hkye mawai la na matu hte shi a awng padang lu la na matu shi a daru magam n-gun hpe lang na ra ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 SAMUELA 10:27

Rai ti mung, masha gumbyak nkau mi mahtang, “Ndai masha wa sha mi anhte hpe kaning rai mai kaja lam galaw ya lu na rai nga a ta?,” ngu nna tsun ma ai. Shanhte gaw shi hpe n kaw n law di mu ai hte kumhpa hpa mung n sa sak jaw ma ai.

1 SAMUELA 14:45

Rai ti mung, amyu masha ni chyawm gaw Shawlu hpe, “Israela a matu nde wa kaba la ai awng padang ninglaw jaw ya ai Yonahtan gaw si lu na rai wu ni? Dai hku n rai u ga, shi a baw hta na kara singgawng mi mung mat lu na n rai nga ai gaw ahkrung nga ai dai Madu hta anhte ga sadi tawn ga ai. Dai ni shi galaw ai amu gaw Karai Kasang karum la ai hte sha galaw kau lu nu ai re,” ngu nna tsun ma ai. Dai rai nna amyu masha ni gaw Yonahtan hpe si na kaw na hkrang la nga ma ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.