1 SAMUELA 11:1 - Jinghpaw Common Language Bible 2009

¹ Shata mi dang na ai hpang, Amon Hkawhkam Nahasha gaw shi a hpyen luksuk hpe woi nhtawm Gilead mung na Yabesha mare man de sa nna dai hpe wang da wu ai. Yabesha masha ni gaw Nahasha hpe, “Anhte hte myit hkrum ga shaka galaw tawn ga; shaloi nanhte gaw anhte a up hkang du ni rai nga myit dai ngu, anhte hkap la na ga ai,” ngu nna tsun ma ai.

Jinghpaw Hanson Version Bible

¹ Dai shaloi e Amon masha Nahasha lung wa nna, Gilead mung Yabesha mare man e dap sa jung wu ai: Yabesha masha ni nlang Nahasha hpe, “Anhte hte htinglu htinglai gaw, nang kaw a yam na ga ai,” ngu mu ai.

1 SAMUELA 11:1 ပူးပေါင်းရင်းမြစ်များ

NINGPAWT NINGHPANG 26:28

Shanhte gaw, “Dai Madu nang hte rau nga nga ai hpe ya anhte chye saga ai. Dai majaw anhte a lapran hta dagam ai myit hkrum ga shaka langai mi tawn da na lam anhte myit lu ga ai.

2 SAMUELA 10:1

Ya aten ram ram na ai hpang, Amon Hkawhkam Nahat si mat nna shi a kasha Hanun hkawhkam tai wa sai.

2 SAMUELA 10:2

Hkawhkam Dawi gaw, “Shi a kawa ngai hpe chyeju jaw ai hte maren, kasha Hanun hpe mung sadi dung ai jinghku lai ngai shi hpe madun lu na rai nngai,” ngu nna tsun wu ai. Dai rai nna shi a matsan dum ai lam madun dan na matu kasa ni hpe Dawi shangun dat wu ai. Shanhte Amon mung de du sa wa ma yang,

2 SAMUELA 17:27

Dawi gaw Mahanim mare de du jang, Amon mung Raba mare kaw na Nahasha a kasha Shobi hte mung, Lodeba mare na Amiela a kasha Mahkira hte mung, Gilead mung Rogelim mare na Barazilai ni hte mung wa hkrum wu ai.

2 SAMUELA 2:5

masha nkau mi hpe ndai mungga hte hpawn shangun dat wu ai: “Nanhte gaw shi hpe makoi mayang galaw let nanhte a hkawhkam wa hta sadi dung nga myit dai hpe madun dan nga manit dai majaw, dai Madu nanhte hpe shaman ya nga u ga law.

1 HKAWHKAM 20:34

Benhadad gaw shi hpe, “Nye wa gaw na nwa kaw na kashun la ai mare ni hpe ngai bai jaw na de ai; nye wa gaw Samari mare hta dut lu dut sha shara masat da ya ai zawn nang hkum nan mung Damasku mare e shara langai masat da mai nga ndai,” ngu nna tsun wu ai. Ahab gaw, “Ndai ga shaka ni hte ngai nang hpe shalawt dat na de ai,” ngu nna tsun htan wu ai. Shing rai shi hpe ga shaka tawn da nna shi hpe dat dat wu ai.

1 HKAWHKAM LABAU 10:11

Hpilisti masha ni Shawlu hpe shing di kau manu ai lam hpe Gilead mung na Yabesha masha ni na ma yang,

1 HKAWHKAM LABAU 10:12

Magrau grang htum ai masha ni sa nna Shawlu hte shi a shadang sha ni a moi mang ni hpe shayu la nhtawm Yabesha mare de la wa ma ai. Shanhte gaw dai yang na wamyi hpun npu e shanhte hpe lup makoi nhtawm sanit ya tup lusha gam nga ma ai.

YOBA 41:4

Shi gaw nang hpe htani htana daw jau na matu ga sadi jaw nna nang hte myit hkrum ga shaka tawn da na rai wu ni?

PRU MAT 23:32

Shanhte hte mung, shanhte a hpara ni hte mung myit hkrum ga shaka tawn da lu na myit dai n rai.

ESAIA 36:16

Hezekia a ga hpe hkum madat myit! Asuri hkawseng gaw dai mare kaw na pru wa nhtawm lata sharawt asum jaw na matu nanhte hpe hkang da nga ai. Nanhte yawng hte gaw tinang a sabyi ru ni kaw na sabyi si ni, tinang a hpun ni kaw na lakum si ni di sha, tinang a hka htung ni kaw na hka ntsin lu lu na ahkang lu na rai myit dai.

YEREMIA 40:11

Dai aten laman hte hta, Babelon hkawhkam wa gaw Israela masha nkau mi hpe Yuda mung e nga shangun ai hte Gedalia hpe dai mung a mung du aya dang da ma ai lam hpe Moba mung, Amon mung, Edom mung hte kaga mung hkan shanu hkawm nga ai Israela amyu masha ni yawng na ma ai.

YEREMIA 40:14

shi hpe, “Amon Hkawhkam Bali gaw nang hpe sat na matu Ishmaela hpe shangun dat sai lam nang n chye n ni? Shing ngu san nga ti mung Gedalia gaw dai ga hpe n kam wu ai.

EZEKELA 17:13

Shi gaw hkawhkam wa a dinghku masha langai hpe woi la nhtawm shi hte ga shaka tawn da nna, shi hta sadi dung nga na matu shi hpe dagam shangun wu ai. Shi gaw dai mungdan hta bai n kasu kabrawng na matu

TARA JAHPRANG 23:3

“Amon hte Moba masha ni hta ban shi du hkra pra hkrat wa ai shanhte a matu mara ni kadai mung dai Madu a amyu masha hpawng hta lawm mai nga ai n rai.

TARA AGYI 10:7

Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

TARA AGYI 11:4

Aten ram ram na mat ai hpang, Amon masha ni gaw Israela masha ni hpe sa gasat ma ai.

TARA AGYI 21:8

Shanhte gaw Israela amyu hta na Mizpa de n dawng pru ai kadai naw nga nga ma ai hpe san sagawn yu ma yang, Gilead mung na Yabesha mare masha ni langai mi mung n pru sa ma ai hpe shanhte mu chye ma ai;

1 SAMUELA 12:12

Rai ti mung nanhte hpe htim gasat hkyen nga ai Amon Hkawhkam Nahasha hpe nanhte mu myit dai shaloi, nanhte a hkawhkam rai nga ai dai Madu hpe ningdang kau nhtawm ngai hpe mahtang, ‘Anhte hpe up hkang na hkawhkam langai ra ga ai,’ nga nna tsun myit dai.

1 SAMUELA 14:47

Shawlu gaw Israela hkawhkam tai ai hpang, shara shagu hkan nga ai shi a gumlau hpyen ni ngu na Moba masha, Amon hte Edom masha ni, Zoba hkawhkam ni hte Hpilisti masha ni hpe gasat shamyit kau wu ai. Shi gasat ai shara shagu hkan awng padang hkam la lu nga ai.